नंदुरबार येथे एनसीसी कॅम्पचा समारोप

या कॅम्पच्या समारोप कार्यक्रमाच्या अध्यक्षस्थानी अपर जिल्हाधिकारी महेश पाटील तर प्रमुख अतिथी म्हणून नंदुरबार शहर पोलीस स्टेशनचे पोलीस निरीक्षक रवींद्र कळमकर उपस्थित होते. या वेळी महेश पाटील यांनी छात्रसैनिकांना आपल्या जुन्या आठवणी सांगत एनसीसीचे युनिटी ॲण्ड डिसिप्लिन या ध्येयावर चालते आणि तेच ध्येय आपण समोर ठेवले तर यश गाठता येते, असा कानमंत्र दिला. कळमकर म्हणाले की, छात्रसैनिकांनी एनसीसीमधून संघटन कौशल्य आत्मसात करावे व समाजाभिमुख होऊन देशाची सेवा करावी, असा सल्ला दिला. छात्रसैनिकांच्या यशस्वी कामगिरीसाठी त्यांना बेस्ट कॅडेट, बेस्ट ड्रिल, बेस्ट ॲडमिनिस्ट्रेशन, बेस्ट स्पीच, बेस्ट म्युझिकल टीम, बेस्ट स्पिरिट अशा विविध बाबींसाठी प्रशस्तपत्र, स्मृतीचिन्ह व रोख बक्षीस देऊन त्यांचे मनोबल वाढवण्यात आले. त्यात सूरज कोकणी व प्रकाश ठाकूर यांना बेस्ट कॅडेट अवॉर्ड देण्यात आला. या पाच दिवसीय कॅम्पदरम्यान ड्रील मॅप रीडिंग बॅटल फिल्ड क्राफ्ट, राष्ट्रीय एकात्मता, सायबर सिक्युरिटी, हेल्थ सिक्युरिटी, लीडरशिप व टीम बिल्डिंग कौशल्य आदी विषयांवर मार्गदर्शन करण्यात आले.

कॅम्पदरम्यान ४९ महाराष्ट्र बटालियनचे कमांडिंग ऑफिसर कर्नल विवेक भट्टारा, नंदुरबार तालुका विधायक समितीचे अध्यक्ष मनोज रघुवंशी, बटालियनचे ॲडमिनिस्ट्रेटिव्ह ऑफिसर लेफ्टनंट कर्नल समीर बोडसे व सुभेदार मेजर शेखावत यांनी छात्रसैनिकांना भेट देऊन मार्गदर्शन केले. समारोपप्रसंगी नंदुरबार तालुका विधायक समितीचे समन्वयक डॉ.एम.एस. रघुवंशी, प्राचार्य डॉ.व्ही.एस. श्रीवास्तव, उपप्राचार्य डॉ.आर.आर. कासार, सुभेदार राजेंद्र सिंग व हवालदार उमेश भगत उपस्थित होते. सूत्रसंचालन राष्ट्रीय छात्रसेना विभागाचे अधिकारी लेफ्टनंट विजय चौधरी, परिचय कॅप्टन विलास वाघ यांनी तर आभार कॅप्टन राहुल पाटील यांनी मानले.