शहादा महाविद्यालयात राष्ट्रीय ई-सेमिनार

संस्थेचे अध्यक्ष दीपक पाटील, क.ब.चौ. उत्तर महाराष्ट्र विद्यापीठ जळगावचे कुलगुरू डॉ.ई.वायूनंदन, उपाध्यक्ष जगदीश पाटील, संस्थेच्या सचिव कमलताई पाटील, संस्थेचे समन्वयक प्राचार्य मकरंद पाटील, पी.आर.पाटील व क.ब.चौ.उ.म.विद्यापीठचे कुलसचिव प्रा.डॉ.ए.बी. चौधरी यांचे मार्गदर्शन लाभले आहे. या राष्ट्रीय ई-सेमिनारचे उद्घाटन क.ब.चौ.उ.म. विद्यापीठ जळगावचे प्र-कुलगुरू प्रा.डॉ.बी.व्ही. पवार यांच्या हस्ते होणार आहे. आदर्श महाविद्यालय निजामपूरचे प्राचार्य डॉ.अशोक खैरनार हे राष्ट्रीय ई-सेमिनारसाठी प्रमुख वक्ते राहणार आहेत. लखनौ विद्यापीठाचे प्रा.आर.पी. सिंग हे प्रथम सत्रासाठी साधन व्यक्ती म्हणून असून या सत्राच्या अध्यक्षस्थानी धनाजी नाना महाविद्यालय फैजपूर येथील इंग्रजी विभाग प्रमुख डॉ.जगदीश पाटील हे राहतील. द्वितीय सत्रात रोस्तोव-ओन-डॉन, रशियाच्या भाषा शास्त्रज्ञ व भाषांतरकार एलिना स्तोयकीना ह्या साधन व्यक्ती म्हणून राहणार आहेत. या सत्रात क.ब.चौ.उ.म. विद्यापीठ जळगाव येथील भाषा प्रशाळेच्या संचालक प्रा.डॉ.मुक्ता महाजन अध्यक्षस्थानी राहतील. समारोप समारंभासाठी प्रताप महाविद्यालय अमळनेरचे प्रा. नितीन पाटील हे वक्ते म्हणून राहणार आहेत. महाविद्यालायचे प्राचार्य डॉ.आर.एस.पाटील हे राष्ट्रीय ई-सेमिनारचे अध्यक्ष असून प्रा.डॉ.एस.डी. सिंदखेडकर हे प्रास्ताविक करणार आहेत. प्रा.खुमानसिंग वळवी हे समन्वयक व प्रा.आर.एस. माळी आणि प्रा.संगीता पटेल हे सचिव म्हणून काम पाहणार आहेत. या राष्ट्रीय ई-सेमिनारचे आयोजन प्रा.जी.एस. गवई, प्रा.एम.बी. जगताप, प्रा.राहुल पाटील व प्रा.हितेंद्र जाधव हे करीत आहेत. महाविद्यालयाचे उपप्राचार्य व आयक्यूएसीचे अध्यक्ष डॉ.एम.के. पटेल तसेच महाविद्यालयातील सर्व विभाग प्रमुखांचे सहकार्य लाभणार आहे.