माझे कुटुंब माझी जबाबदारी मोहिमेअंतर्गत बोरद येथे घरोघरी जाऊन तपासणी

बाहेरून आलेल्या म्हणजेच गुजरात राज्यातून येणाऱ्या मजुरांची संख्या ही वाढत असल्याने बोरद गावात ही समस्या गंभीर होऊ शकते म्हणून बोरद येथील जिल्हा परिषद शाळा क्रमांक एक व दोनमधील सर्व शिक्षक, अंगणवाडी सेविका, मदतनीस व आशा वर्कर हे ‘माझे कुटुंब, माझी जबाबदारी’ अंतर्गत गावातील प्रत्येक घरी जाऊन सर्व्हे करीत आहेत.

या मोहिमेअंतर्गत घरोघरी जाऊन घरातील प्रत्येक सदस्याचे थर्मल स्कॅनिंग व ऑक्सिमीटरच्या साहाय्याने ऑक्सिजन लेवल, ताप तपासून सर्दी, खोकला या आजारांविषयी माहिती जाणून घेत आहेत. तसेच ज्या घरातील सदस्यांना लक्षणे दिसत असल्यास त्यांना पुढील तपासणीसाठी मार्गदर्शन केले जात आहे. ‘माझे कुटुंब, माझी जबाबदारी’ अंतर्गत ग्रामस्थ गावातील आरोग्य केंद्रात जात असून, त्यांच्यावर वैद्यकीय अधिकारी डॉ. रेखा शिंदे योग्य मार्गदर्शन करीत उपचार करीत आहेत.

यावेळी सरपंच वासंती ठाकरे, नरहर ठाकरे, पंचायत समितीचे सदस्य विजयसिंह राणा, ग्रामपंचायत सदस्य मंगेश पाटील, बेसिंग पवारसह शाळा क्रमांक एकचे मुख्याध्यापक यशवंत मोठे, शाळा क्रमांक दोनचे रऊफ शेख, जलमसिंग वळवी, जोतिराम डोने, दराजी वळवी व अंगणवाडी सेविका, मदतनीस, आशा वर्कर, आदींनी सर्व्हे केला. मोठे गाव असल्याने ग्रामपंचायतीने दोन टीम तयार करीत त्यांंना ग्रामपंचायतीमार्फत साहित्य घेऊन दिले. यासाठी ग्रामसेवक व कर्मचाऱ्यांनी सहकार्य केले.