वीज उपकेंद्राला आग लागून सात लाखांचे नुकसान

लोकमत न्यूज नेटवर्क
शहादा : तालुक्याला वीजपुरवठा करणाऱ्या १३२ के.व्ही. वीज उपकेंद्रातील पोटेन्शियल ट्रान्सफार्मरला शनिवारी मध्यरात्रीच्या सुमारास अचानक आग लागल्याने संपूर्ण तालुक्याचा वीजपुरवठा दोन तास खंडित झाला होता. अग्निशमन दलाच्या जवानांनी शर्थीचे प्रयत्न केल्यानंतर आग आटोक्यात आली. या अग्नितांडवात वीज कंपनीचे सुमारे सात लाख रुपयांचे नुकसान झाले असून आग विझवल्यानंतर वीज कंपनीच्या कर्मचाऱ्यांनी तातडीने काम करीत दोन तासात संपूर्ण तालुक्याचा वीजपुरवठा सुरळीत केला.
प्रकाशा रस्त्यावर शहादा शहरासह संपूर्ण तालुक्याला वीजपुरवठा करणारे १३२ के.व्ही. वीज उपकेंद्र आहे. याच केंद्रातून तळोदा, अक्कलकुवा, धडगाव येथे वीजपुरवठा केला जातो. शनिवारी मध्यरात्री दीड वाजेच्या सुमारास उपकेंद्रातील २२० के.व्ही.चे पोटेन्शियल ट्रान्सफार्मरला तांत्रिक दोषामुळे अचानक आग लागली. आग लागल्याचे वीज कंपनीच्या कर्मचाºयांच्या लक्षात येतात त्यांनी आग विझवण्यासाठी प्रयत्न सुरू करून पालिकेच्या अग्निशमन दलाला आगीची माहिती दिल्यानंतर पालिकेच्या अग्निशमन दलाच्या कर्मचाºयांनी आगीवर नियंत्रण मिळविण्यासाठी प्रयत्न सुरू केले. पाहता पाहता आगीने रौद्र रूप धारण केले होते. आग लागल्यानंतर तात्काळ कर्मचाºयांनी शहरासह संपूर्ण तालुक्याला होणारा वीजपुरवठा बंद केल्यामुळे मोठी हानी टळली. दोन तासाच्या अथक प्रयत्नानंतर आगीवर नियंत्रण मिळवण्यात अग्निशमन दलाच्या कर्मचाºयांना यश आले
आगीचे रूप एवढे रौद्र होते की आगीच्या ज्वालांनी सुमारे एक किलोमीटरचा परिसर प्रकाशमय झाला होता. अगदी लांबून आगीच्या ज्वाला दिसत होत्या. संपूर्ण परिसरात धूर व आगीच्या ज्वाला यांचे थैमान सुरू होते. या अग्नीतांडवात कुठलीही जीवितहानी झाली नसली तरी वीज कंपनीचे सात लाख रुपयांचे नुकसान झाले आहे.
आगीवर नियंत्रण मिळाल्यानंतर कंपनीच्या कर्मचाºयांनी मध्यरात्रीच्या सुमारास याच उपकेंद्रावरील दोंडाईचा ते शहादा या उच्च दाबाच्या दुसºया वाहिनीवर सर्कीट चेंज करून वीजपुरवठा सुरळीत केला. परिणामी पहाटे चार वाजेच्या सुमारास शहरासह संपूर्ण तालुक्याचा वीजपुरवठा सुरळीत झाला होता. या आगीत वीज कंपनीचे २२० के.व्ही.चे पोटेन्शियल ट्रान्सफार्मर पूर्णपणे जळून खाक झाले असून यात सुमारे सात लाख रुपयांचे नुकसान झाल्याचा प्राथमिक अंदाज वर्तविला जात आहे.
वीज वितरण कंपनीचे अतिरिक्त कार्यकारी अभियंता श्रीकांत पाटील, सचिन चित्ते, हेमंत माळी, हेड फोरमन एस.व्ही. कोळी, तंत्रज्ञ एस.आर. माळीच, एस.एस. सोनवणे, एस.एस. महाले, व्ही.एस. पाडवी, रूपाली राजपूत व कर्मचाºयांनी वीजपुरवठा सुरळीत करण्यासाठी रात्रीच्या सुमारास शर्थीचे प्रयत्न केल्याने वीजपुरवठा सुरळीत झाला. घटनेची माहिती मिळताच वीज कंपनीचे अधिकारी व शहादा पोलीस ठाण्यातील वरिष्ठ अधिकाºयांनी घटनास्थळी भेट दिली. शहादा पोलिसात अग्नीउपद्रव घटनेची नोंद करण्यात आली आहे.