कडबा विक्रीतून मिळतो रोजगार

कडबा वाहतूक करताना काळजी घेण्याची गरज

कडबा वाहतूक करताना व्यापारी व वाहनधारक यांनी काळजी घेण्याची आवश्यकता आहे. हा कडबा पूर्णत: सुकलेला असल्याने त्वरित पेट घेतो. त्यामुळे आगीच्या सानिध्यात तो येणार नाही, याची दक्षता घेणे महत्त्वाचे आहे. शिवाय शेत-शिवारातून वाहनातून चारा वाहतूक करताना शेत-शिवारातील विजेच्या तारांना चाऱ्याचा स्पर्श होणार नाही, याची काळजी घेणे गरजेचे आहे. अनेक ठिकाणी विजेच्या तारा कमी उंचीवर किंवा लोंबकळणाऱ्या असतात. त्यात कडबा अडकून शॉर्ट सर्किटची शक्यता नाकारता येत नाही. शिवाय रस्त्यावर वाहतूक करताना कडबा झाकून वाहतूक केला गेला पाहिजे. कारण कडब्याच्या वाहनाच्या मागील वाहनधारकांवर कडब्याच्या उडणाऱ्या कचऱ्याला तोंड द्यावे लागते. याचा सर्वाधिक त्रास हा दुचाकीस्वारांना होता. तो कचरा अचानकपणे नाका-तोंडात किंवा डोळ्यात जातो व वाहनधारकांना त्याचा त्रास होतो. त्यातून अपघाताची शक्यता निर्माण होते.

बाहेरील पशुपालक कडब्यासाठी ॲडव्हान्स बुकिंग करून घेत आहेत. यातून अनेकांना रोजगारही मिळतो व शेतकऱ्यांनादेखील मदत होत असते.

-रेल्या तडवी, कडबा उत्पादक शेतकरी, रोझवा पुनर्वसन