जैन सोशल ग्रुप युवा फोरम प्लॅटिनमचा पदग्रहण समारंभ; अध्यक्षपदी जयती शाह

येथील दादावाडीत आयोजित जैन सोशल ग्रुप युवा फोरम प्लॅटिनमच्या पदग्रहण समारंभात पदग्रहण करण्यासाठी महाराष्ट्र युवा फोरमचे चेअरमन पुणे येथील आशिष शाह आणि महाराष्ट्र रिजनचे उपाध्यक्ष प्रीतेश तातेड यांच्या प्रमुख उपस्थितीत पार पडला. प्रमुख पाहुणे म्हणून नगरसेवक पृथ्वीराज जैन, यशवंत स्वगै, महेंद्र दुग्गड, पीनल शाह केतन शहा, जयेश बाफना हे उपस्थित होते.

यावेळी आशिष शहा म्हणाले की, नूतन टीमने समाजोपयोगी कामे करण्यासाठी आपल्या पालकांकडून, तसेच वरिष्ठ मंडळींकडून मार्गदर्शन घ्यावे. आपल्या टीमच्या कार्याच्या माध्यमातून युवा फोरमचे नाव महाराष्ट्रात झळकवावे, तसेच भावी वाटचालीसाठी त्यांनी शुभेच्छा दिल्या. यावेळी विविध मान्यवरांनी मनोगत व्यक्त केले. याप्रसंगी वर्षभरात आम्ही विविध सामाजिक उपक्रम राबवू, असे नूतन अध्यक्ष जयती शाह यांनी सांगितले.

जैन सोशल ग्रुप युवा फोरम प्लॅटिनमच्या नूतन कार्यकारिणीत अध्यक्षपदी जयती शाह, उपाध्यक्ष रिद्धी बाफना, सचिव लब्धी जैन, सहसचिव निधी कोचर, कोषाध्यक्ष सिद्धी जैन, पी.आर.ओ. हार्दिक बाफना, ट्विंकल जैन यांची निवड करण्यात आली. याप्रसंगी समाजबांधव उपस्थित होते.