माध्यमिक विद्यालय, तोरखेडा
तोरखेडा, ता.शहादा येथील सु.भ. कदमबांडे माध्यमिक विद्यालयात शिवजयंती उत्साहात साजरी करण्यात आली. अध्यक्षस्थानी प्राचार्य पी.टी. पाटील होते. प्रारंभी त्यांच्या हस्ते प्रतिमा पूजन करण्यात आले. या वेळी व्याख्याते प्रा.एस.ए. पाटील, उपशिक्षक वाय.एम. पाटील यांनी छत्रपती शिवाजी महाराजांच्या जीवन कार्याविषयी माहिती दिली. सूत्रसंचालन आर.पी. केसेकर तर आभार एन.एन. बावा यांनी मानले. कार्यक्रमास शिक्षक, कर्मचारी उपस्थित होते.
ग्रामपंचायत, वडाळी
वडाळी, ता.शहादा येथील ग्रामपंचायत कार्यालयात छत्रपती शिवाजी महाराज जयंतीनिमित्त प्रतिमा पूजन करण्यात आले. याप्रसंगी सरपंच जामसिंग भिल, उपसरपंच हिंमत सोनवणे, पोलीस पाटील गजेंद्रगीर गोसावी, माजी ग्रा.पं. सदस्य दगा नाईक, चंद्रकांत रायसिंग, माजी ग्रा.पं. सदस्य तात्या बैसाणे, ग्राम विस्तार अधिकारी, ग्रामपंचायत कर्मचारी उत्तम माळी, नाना गोसावी, संदीप माळी आदी उपस्थित होते.
भरतीपूर्व प्रशिक्षण केंद्र, वडाळी
वडाळी, ता.शहादा येथील ग्रामीण बहुउद्देशीय विद्याप्रसारक मंडळातर्फे स्थापन करण्यात आलेल्या छत्रपती शिवाजी महाराज भरतीपूर्व प्रशिक्षण केंद्रात महाराष्ट्राचे अराध्य दैवत छत्रपती शिवाजी महाराज यांच्या नावे सुरू करण्यात आलेल्या प्रशिक्षण केंद्राच्या फलकाचे पूजन करून मान्यवरांच्या हस्ते करण्यात आले. याप्रसंगी नवनाथ सेवाभावी मंडळाचे सचिव महेंद्रनाथ जगताप, ग्रामीण बहुउद्देशीय विद्याप्रसारक मंडळाचे सचिव प्राचार्य चंद्रकांत रायसिंग, अनिल चौधरी, युवक दीपक माळी, चंद्रकांत सोनवणे, संदीप कंखरे, नितिन पाटील, अमित गोसावी, पंकज पवार आदी उपस्थित होते.
सावित्रीबाई फुले न.पा. शाळा क्रमांक चार,नंदुरबार
नंदुरबार येथील सावित्रीबाई फुले नगरपालिका प्राथमिक शाळा क्रमांक चारमध्ये छत्रपती शिवाजी महाराज जयंती साजरा करण्यात आली. अध्यक्षस्थानी शाळेचे मुख्याध्यापक दासू कोकणी हे होते. त्यांनी प्रथम प्रतिमेस पुष्पहार अर्पण केला. तद्नंतर विद्यार्थ्यांची वक्तृत्व स्पर्धा घेण्यात आली. यात विद्यार्थ्यांनी उत्स्फूर्त सहभाग नोंदविला. सहभागी विद्यार्थ्यांचे मुख्याध्यापकांनी कौतुक केले. या वेळी शिक्षक शिरीष पवार, अर्चना गावीत, दासू कोकणी यांनी छत्रपती शिवाजी महाराजांच्या कार्याविषयी माहिती दिली. सूत्रसंचालन निशा सोनवणे तर आभार शिरीष पवार यांनी मानले.