विद्याथ्र्याच्या पोषक आहाराकडे आरोग्य समिती देणार लक्ष

लोकमत न्यूज नेटवर्क
नंदुरबार : प्रत्येक शाळा, महाविद्यालयात आरोग्य समिती स्थापन करून उपहारगृहात अथवा घरून आणल्या जाणा:या डब्यात पोषक आहार कसा असावा याबाबत अन्न व औषध प्रशासनाने नियमावली तयार केली असून, त्याची जुलै ते डिसेंबर 2019 र्पयत अंमलबजावणी होणार आह़े त्यासाठी शाळा, महाविद्यालयात जागरूकता निर्माण करून जंक फूडला हद्दपार करीत डब्याचा 80 टक्के भाग हरीत  पदार्थाचा असावा, अशी सूचना केली आह़े
अन्न व औषध प्रशासनाच्या आयुक्त डॉ़पल्लवी दराडे यांनी संपूर्ण वर्षभराचा पोषण आहार कार्यक्रम शाळा व महाविद्यालयांना कळविला आह़े राज्य शासनाने अन्न व औषध प्रशासनाच्या मार्गदर्शक सूचना मान्य केल्या आहेत़ त्यानुसार प्रत्येक शाळेत आरोग्य समिती असेल ज्यामध्ये शिक्षक, विद्यार्थी व पालक असतील़ ज्याद्वारे शाळा, महाविद्यालयातील उपहारगृहामध्ये दिले जाणारे पदार्थ, भोजन आरोग्यदायी होईल याची काळजी घेतली जाईल़ जंक फूडचा प्रचार आणि प्रसार होणार नाही याची काळजी शाळांनी घ्यायची आह़े तसेच जिथे मुले घरून डबा आणतात त्या शाळांनी पालकांना विश्वासात घेऊन पोषक आहाराचा समावेश केला पाहिज़े आरोग्य सदृढ रहावे यासाठी हिरव्या पालेभाज्य व कडधान्यावर भर देणे आवश्यक आह़े 

जंक फूड हे आपल्या सगळ्यांच्या जीवनशैलीचा भाग होत आह़े त्याचा मुलांच्या आरेाग्यावर मोठा दुष्परिणाम होत आह़े त्यामुळे घरून आणला जाणारा डबा व कँटिनमधील पदार्थामध्ये मोठे बदल सुचविण्यात आले आहेत़ 
कँटिनच्या भोजनात जंकफूड नाहीसे करण्याचे आदेश दिले आहेत़ पोषक आहार नसल्यामुळे मुले एचएफएसएस अर्थात हाय फॅट शुगर अँड सॉल्ट म्हणजेच ज्यामध्ये मेद, मीठ आणि साखरेचे प्रमाण जास्त आहे, असे पदार्थ खातात़
आकर्षक जाहिरातींमुळे कमी किमतीतील पॅकिंगमधील पदार्थाची सवय लागत़े ज्यामुळे घरी बनविलेले पदार्थ मुले खात नाहीत़ त्याचे दुष्परिणाम म्हणून आवश्यक काबरेदके व प्रथिने मुलांना मिळत नाहीत़ 
दरम्यान, शाळा, महाविद्यालयांना आपल्या संस्थेत दिल्या जाणा:या अन्न पदार्थाच्या मेनुची माहिती ऑगस्ट ते सप्टेंबर 2019 या कालावधीत संबंधित अन्न सुरक्षा अधिका:यांना द्यावी लागेल़ तसेच सहाय्यक आयुक्त व आरोग्य समन्वयक शाळांना भेट देवून आढावा घेतील़

ऑक्टोबर, नोव्हेंबरमध्ये कार्यशाळा
शाळा, महाविद्यालयातील मुख्याध्यापक, प्राचार्य, आरोग्य समिती, विद्यार्थी, पालक यांना पोषक आहाराचे महत्व सांगण्यासाठी कार्यशाळेचे आयोजन अन्न व प्रशासन विभाग करणार आह़े त्याचा अहवाल डिसेंबरमध्ये पाठवून शाळा, महाविद्यालयात दिल्या जाणा:या अन्न पदार्थाच्या मेनूमध्ये बदल केला जाणार आह़े