उमर्दे येथे महिलांना मार्गदर्शन

नंदुरबार : तालुक्यातील उमर्दे येथे जिल्हा महिला बाल विकास अधिकारी कार्यालय, जिल्हा बाल संरक्षण कक्ष ,जन साहस संस्था आणि चाईल्ड लाईन यांचा संयुक्त विद्यमाने महिलांसाठी मार्गदर्शन कार्यशाळा घेण्यात आली. यावेळी महिलांना मार्गदर्शन करण्यात आले.

कार्यक्रमाच्या अध्यक्षस्थानी सरपंच नाना ठाक होते. प्रसंगी प्रमुख अतिथी म्हणून बालकल्याण समिती अध्यक्ष विठ्ठल कदम, बालकल्याण समिती सदस्य सीमा सूर्यवंशी, अंगणवाडी पर्यवेक्षिका सुनीता सोनवणे, जन साहस संस्थेचे कायदेशीर सल्लागार शीतल जावरे, पूजा ढेपे उपस्थित होते. प्रास्ताविक जन साहस संस्थेचे जिल्हा समन्वयक विकास मोरे यांनी केले. यावेळी महिलांच्या मदतीसाठीचा २४ तास सुरू राहणारा टोल फ्री क्रमांकाची माहिती देण्यात आली. कार्यक्रमात बालसंरक्षणाची माहिती देण्यात आली. विठ्ठल कदम यांनी वेगवेगळ्या प्रकारच्या विषमता समाजातून हद्दपार करण्यासाठी पुरुषांनी पुढे येऊन पुढाकार घेतला पाहिजे, असे मत मांडले. बालसंरक्षण अधिकारी गौतम वाघ जन्मापासून मुलगा आणि मुलगी यांचामध्ये केला जाणारा लिंग भेद नष्ट करत पुरुषांना स्त्रियांचा आदर करायला शिकवणे काळाची गरज असल्याचे सांगितले. सूत्रसंचालन अनिता गावीत यांनी तर आभार मेघा पाटील यांनी मानले.

कार्यक्रमास ग्रामस्थ, अंगणवाडी सेविका व महिला सहभागी झाल्या होत्या. फिजिकल डिस्टन्सिंग ठेवत हा उपक्रम पार पडला. कार्यक्रमात महिलांना मास्क आणि सॅनिटायझरचे वाटप करण्यात आले.