दुचाकींच्या समोरासमोरील धडकेत पिता-पूत्रासह चारजण ठार

उमेश शांतीलाल चव्हाण (२९) रा.तळोदा, मदन दिवल्या नाईक(४५), अमित मदन नाईक (१२), दारासिंग छगन जांभोरे (४५) रा.सर्व तुलाजा ता. तळोदा असे मयतांची नावे आहेत. तर पूजा उमेश चव्हाण, सुनंदा शांतिलाल चव्हाण हे जखमी झाले.

पोलीस सूत्रांनुसार, उमेश चव्हाण, पूजा चव्हाण, सुनंदा चव्हाण रा. तळोदा हे मोटार सायकलीने (क्रमांक एम एच ३९.एल ४८४) बोरदहून येत होते. त्या दरम्यान मदन नाईक, अमित नाईक, दारासिंग जांभोरे (४५) रा.सर्व तुलाजा ता. तळोदा हे मोटार सायकलीने (क्रमांक एम एच १५ डी टी ६३४०) तलोद्याहून बाजार करून तुळजा येथे जात होते. भरधाव असलेल्या दोन्ही दुचाकींची तळव्यानजीक समोरासमोर धडक झाली.

चार जणांना डोके, हात पायांना प्रचंड मार बसल्याने उमेश, मदन, अमित, दारासिंग हे चार जण जागीच ठार झाले. तर सुनंदा शांतीलाल चव्हाण,पूजा चव्हाण या गंभीर जखमी झाल्या आहेत. यातील सुनंदा याना गंभीर मार लागल्यामुळे त्यांना पुढील उपचारासाठी नंदुरबार जिल्हा रुग्णालयात हलविण्यात आले आहे. या अपघाताची माहिती मिळताच नागरिकांनी घटनास्थळी गर्दी केली. अपघात एवढा भीषण होता की तेथे रक्ताचा सडा पडलेला होता. गावकऱ्यांनी पोलिसांना कळविल्या नंतर पोलिस दाखल झाले. उपजिल्हा रुग्णालयाचे रुग्ण वाहिकेतून सर्वांना तळोदा रुग्णालयात दाखल करण्यात आले. या बाबत पोलिसात मोटार अपघाताचा गुन्हा दाखल करण्यात आला आहे.

चार महिन्यापूर्वीच उमेश याचा विवाह झाला होता. आपल्या काकाकडे बोरद येथून आई, पत्नीसह मोटार सायकल ने तलोद्याला येत होता. तर मदन नाईक हे देखील आपल्या १२ वर्षाचा मुलगा व आणखी एकाजणासह येत होते. त्यात पीता-पूत्र जागीच ठार झाल्याने हळहळ व्यक्त होत होते.