इतिहासात पहिल्यांदाच हायटेक पद्धतीने होणार पवित्र हज यात्रा

हजसाठी यंदा नॅनो टेक्नोलॉजीने निर्मित वस्त्रे असतील. हज आणि उमरादरम्यान पुरूषांसाठीच्या टू पीस पेहरावाला एहराम म्हटले जाते. नवीन पेहराव व्हायरस आणि बॅक्टेरियाला रोखू शकतो. कोरोना संसर्ग लक्षात घेऊन यावर्षी एहरामचा मोठ्या प्रमाणात वापर होईल. एहराम हा १०० टक्के कॉटनपासून बनवलेला आहे. तो ९० हून अधिक वेळा धुतला जाऊ शकतो. तो सौदीचे मानक, मेटरोलॉजी आणि गुणवत्ता संघटनेकडून मंजूर करण्यात आला आहे. याशिवाय महिलांना प्रथमच पुरूष भाविकांशिवाय हजची परवानगी देण्यात आली आहे. ज्या महिला एकट्या हजसाठी नोंदणी करतील त्या यात्रेदरम्यान गठीत महिला लीगचा भाग असतील. यामुळे त्यांची सुरक्षा निश्चित होईल.

कोणतेही स्मार्टकार्ड आणि अधिकृत परमिटशिवाय हज करता येणार नाही. हज आणि उमराचे उपमंत्री डॉ. अब्दुलफत्ताह मशात यांनी म्हटले की, परमिटचे इलेक्ट्रॉनिक कार्ड आणि तीर्थयात्रेचा आयडी पडताळून पाहिला जाईल. यात्रेकरूंच्या परतीची सर्व प्रक्रिया डिजिटलाइज केली आहे. सुरक्षेसाठी बुक केलेल्या स्लॉटद्वारे ग्रँड मशिदीत जाणाऱ्या गर्दीचे नियोजन आणि यात्रेकरूंच्या गरजांसाठी ॲप लाँच करण्यात आले आहे. इटमरना ॲप्लिकेशनद्वारे यात्रेकरूंच्या आरोग्याची स्थिती कळेल.

फिजिकल डिस्टन्सिंगसाठी रोबोटची मदत

यात्रेदरम्यान फिजिकल डिस्टन्सिंगचे पालन व्हावे, यासाठी अत्याधुनिक रोबोटची मदत घेतली जाणार आहे. मक्केत फिजिकल डिस्टन्सिंग राखण्यासाठी रोबोट तैनात केले आहेत. अलमारीवजा रोबोटमध्ये पवित्र जलाच्या बाटल्या भरलेल्या असतील. त्यामुळे लोकांना जवळ न जाताही पवित्र आब ए जमजम मिळेल. अधिकाऱ्यांनी सांगितले की, रोबोटद्वारे मानवी संपर्काशिवाय सेवा दिल्या जातील. वर्षानुवर्षे हज यात्रेकरू आब - ए जमजम (जमजमचे पवित्र जल) पिण्यासाठी येतात. याला इस्लामी परंपरेत चमत्कारी मानले जाते.