जिल्ह्यातील पहिली मेंदू शस्त्रक्रिया स्मित मल्टी-स्पेशालिटी हॉस्पिटलमध्ये यशस्वी

सेवाभाव व अत्याधुनिक सुविधांमुळे अल्पावधीतच या रूग्णालयाने जिल्हावासीयांचा विश्वास संपादीत केला. स्मित हॉस्पिटल येथे अत्याधुनिक उपकरणांनी सुसज्ज असे तीन ऑपरेशन थिएटर उभारण्यात आले आहेत. यामुळे नंदुरबार सारख्या ठिकाणी विविध प्रकारच्या अवघड शस्त्रक्रिया करणे शक्य झाले आहे. या रूग्णास मेंदू विकारासोबतच शरीरात विविध ठिकाणी तीन फ्रैक्चर्स होते. दोन्ही शस्त्रक्रिया एकाच वेळेस एकाच आपरेशन टेबलवर करणे आवश्यक होते व ही जबाबदारी संपूर्ण टीमने पार पाडली. या टीमध्ये भूल देण्याचे कार्य डॉ.अंकुश परदेशी व डॉ.संदीप बोरसे यांनी पार पाडले.

या अवघड शस्त्रक्रियेसाठी कर्मचाऱ्यांनी सहकार्याची भूमिका बजावली. ही अवघड शस्त्रक्रिया केवळ टीम वर्क व अत्याधुनिक साधनामुळेच यशस्वी होऊ शकली, अशी भावना स्मित हॉस्पिटल परिवाराने व्यक्त केली. केंद्र व राज्य शासनाच्या सर्व आरोग्य योजना उपलब्ध असलेल्या जिल्ह्यातील स्मित हॉस्पिटलमधील वैद्यकीय सुविधांचा लाभ स्थानिकांनी घ्यावा, असे आवाहन स्मित हॉस्पिटलमार्फत करण्यात आले आहे. या यशस्वी शस्त्रक्रियेबद्दल स्मित हॉस्पिटल परिवाराचे रूग्णासह नातेवाईक व जिल्हाभरातून कौतुक करण्यात येत आहे.