वडकळंबीला अवैैध लाकूड पकडले

वनविभागाची कारवाई : संशयित तस्कर फरार

नवापुर : तालुक्यातील वळकळंबी येथे मोटारसायकलवरुन वाहून नेले जाणारे अवैध लाकूड वनविभागाच्या पथकाने ताब्यात घेतले़ यावेळी लाकूड तस्कर घटनास्थळीवरुन फरार झाला़
वडकळंबी परीक्षेत्राचे वनपाल डी.के. जाधव व वनरक्षक रामदास पावरा हे दोघेही रविवारी सकाळी नवापुर-भवरे रस्त्यावर गस्त घालत असताना सरी गावालगत जी जे ०२ एस २९८८ या दुचाकीवरुन ४२ हजार रुपयांचे अवैध लाकूड वाहून नेले जात असल्याचे दिसून आले़ दोघा वन कर्मचाऱ्यांनी दुचाकीचा पाठलाग केला असता, दुचाकी सोडून संशयिताने पळ काढला़ लाकडासह मोटारसायकल वनकर्मचाऱ्यांनी जप्त करुन शासकीय काष्ठ आगार नवापुर येथे जमा करण्यात आला़ फरार संशयिताचा वनकर्मचारी शोध घेत आहेत़ ही कारवाई नंदुरबारचे सहायक वनसंरक्षक गणेश रणदिवे आणि वनक्षेत्रपाल प्रथमेश हाडपे यांच्या मार्गदर्शनाखाली करण्यात आली़ नवापूर तालुक्यात वनविभाग दर दिवशी कारवाई करत असल्याने लाकूड तस्करांचे धाबे दणाणले आहे़ चिंचपाडा परिसरात वनविभागाचे पथक दरदिवशी गस्त करत आहे़ यातून तस्करांसोबत बºयाचवेळा संघर्षाची स्थिती होत असल्याचेही प्रकार घडले आहेत़