तळोदा शहरात रॅपिड ॲंटिजेन चाचणी करण्याचे जिल्हाधिकाऱ्यांचे आदेश

नंदुरबार जिल्ह्यात कोरोना महामारीचा वाढता प्रादुर्भाव लक्षात घेता तळोदा शहरातील नागरिकांच्या रॅपिड ॲंटिजेन चाचणी करण्याचे आदेश जिल्हाधिकारी डॉ. राजेंद्र भारूड, सहाय्यक जिल्हाधिकारी अविशांत पांडा यांनी दिले आहेत. जिल्हा आरोग्य अधिकारी डॉ. नितीन बोडके, तहसीलदार गिरीश वखारे, मुख्याधिकारी सपना वसावा, पोलीस निरीक्षक पंडित सोनावणे यांनी नियोजन करून तळोदा शहरातील सर्व वाहतूक कर्मचारी, रिक्षा चालक, पेट्रोल पंप कर्मचारी, गॅस एजन्सी कर्मचारी, मजूर, फेरीवाले, फळ विक्रेते दुकानदार, भाजीपाला विक्रेते, किराणा दुकानदार, किरकोळ विक्रेते, हातगाडी किरकोळ सामान विक्री करणारे तसेच नगरपालिका हद्दीतील सर्व व्यापाऱ्यांची रॅपिड ॲंटिजेन चाचणी करण्याबाबत आदेश प्राप्त झाले असून संबंधित प्रशासकीय यंत्रणेकडून नियोजन करण्यात येत आहे.

रॅपिड ॲंटिजेन चाचणी करण्यासाठी आरोग्य विभाग, महसूल विभाग, नगरपालिका, शिक्षण विभाग, पोलीस प्रशासन यांचे समन्वय करून चाचणी मोहिमेसाठी आरोग्य विभाग, शिक्षण विभाग, नगरपालिका मार्फत सामुदायिक वैद्यकीय अधिकारी, आरोग्य सेवक, शिक्षक, नगरपालिका कर्मचारी प्रत्येक विभागातून एका कर्मचाऱ्याची नेमणूक करण्यात आली आहे. शहरात रॅपिड ॲंटिजेन चाचणी करण्यासाठी ३ पथके तयार करण्यात आली आहेत. बस स्टँड, बंसाली प्लाझा, स्मारक चौक या परिसरात चाचणी करणार असून पथकाचे प्रमुख सामुदायिक वैद्यकीय अधिकारी डॉ. तुषार पटेल, डॉ. जितेंद्र बिरारे, डॉ. वळवी, सदस्य आरोग्य सेवक मनोज पिंजारी, फेंदा पावरा, जगदीश नाईक, शिक्षक डाटा एंट्रीसाठी चेतन खैरनार, प्रदीप पडोल, पोलीस कर्मचारी पिंटू अहिरे, नगरपालिका कर्मचारी समन्वयक आरोग्य सहाय्यक अशोक पाडवी, आरोग्य व स्वच्छता विभाग निरीक्षक नगरपालिका आश्विन परदेशी यांचा रॅपिड ॲंटिजेन चाचणी पथकात समावेश आहे.