मालेगावी दिलेली नियुक्ती रद्द करण्याची मागणी

लोकमत न्यूज नेटवर्क
नंदुरबार : जिल्ह्यातील वैद्यकीय अधिकारी व आरोग्य सेविका यांना मालेगाव येथे कोविड कक्षात नियुक्ती देण्याचे आदेश देण्यात आले आहेत़ हे आदेश रद्द करण्याची मागणी होत आहे़ या पार्श्वभूमीवर खासदार डॉ़ हीना गावीत यांनी मुख्यमंत्री उद्धव ठाकरे यांना पत्र लिहून ह्या नियुक्त्या रद्द करण्याची मागणी केली आहे़
खासदार डॉ़ हीना गावीत व आमदार डॉ़ विजयकुमार गावीत यांची वैद्यकीय अधिकाऱ्यांच्या महाराष्ट्र राजपत्रित वैद्यकीय अधिकारी संघटना (मॅग्मो), आदिवासी डॉक्टर्स असोसिएशन (माडा) व जिल्हा परिषद नर्सेस संघटनेच्या पदाधिकाऱ्यांनी रविवारी भेट घेतली होती़ या भेटीदरम्यान खासदार डॉ़ गावीत यांनी मुख्यमंत्री उद्धव ठाकरे यांच्यासोबत पत्रव्यवहार झाला असून वैद्यकीय अधिकारी व आरोग्य सेविका यांच्या नियुक्त्या रद्द करण्याची मागणी केल्याची माहिती दिली आहे़ या पत्रात जिल्ह्यातून गुजरात राज्यात गेलेले मजूर परत येत असून त्यांची तपासणी करुन त्यांना क्वारंटाईन करण्याच्या कामांचा बोजा आहे़ किमान ५० हजार मजूर परतत आहेत़ यामुळे वैद्यकीय अधिकाºयांचा ताण वाढला आहे़ आधी आकांक्षित जिल्हा असताना ४० टक्के पदे रिक्त असताना दुसरीकडे येथील कर्मचाºयांना पाठवल्यास कामावर ताण पडेल असे त्यांनी म्हटले आहे़
दरम्यान खासदार डॉ़ गावीत यांच्यासह मॅग्मो, माडा व आरोग्य सेविकांच्या संघटनेने पालकमंत्री अ‍ॅड़ के़सी़पाडवी, जिल्हा परिषदेच्या अध्यक्षा सीमा वळवी, आमदार शिरीषकुमार नाईक आमदार राजेश पाडवी यांनाही निवेदन देऊन वैद्यकीय अधिकारी आणि आरोग्य सेविका यांची नियुक्ती रद्द करण्याची मागणी केली आहे़ यावेळी मॅग्मोचे जिल्हाध्यक्ष डॉ. जर्मनसिंग पाडवी डॉ. योगेश वळवी, डॉ. सायसिंग पावरा, डॉ. प्रवीण चौरे, डॉ. सुरेश देसाई, ुसुरेखा वळवी, ज्योती संदानशिव, सुनिता वळवी, अर्चना ओगले, आशा घुगे आदी उपस्थित होत्या़