जिल्ह्यातून दोन अल्पनयीन मुलींना पळविल्याने गुन्हा

लोकमत न्यूज नेटवर्क
नंदुरबार : जिल्ह्यात दोन वेगवेगळ्या घटनांमध्ये दोन अल्पवयीन मुलींना पळवून नेल्याप्रकरणी पोलिसात गुन्हे दाखल करण्यात आले आहे. ब्राम्हणपुरी, ता.शहादा व उमरीपाडा, ता.नवापूर येथे ही घटना घडली.
पोलीस सूत्रांनुसार, ब्राम्हणपुरी येथील १५ वर्षीय अल्पवयीन मुलीस अज्ञात व्यक्तीने काहीतरी फूस लावून पळवून नेले. मुलीच्या घरच्या लोकांनी ठिकठिकाणी शोध घेतला असता मिळून आली नाही. त्यामुळे मुलीच्या वडिलांनी दिलेल्या फिर्यादीवरून अज्ञात व्यक्तीविरुद्ध शहादा पोलिसात गुन्हा दाखल करण्यात आला आहे. तपास सहायक पोलीस निरिक्षक निलेश वाघ करीत आहे.
दुसरी घटना उमरीपाडा-खांडबारा, ता.नवापूर येथे घडली. खांडबारा येथे चप्पल घेण्यासाठी गेलल्या १६ वर्षीय मुलीस कुणीतरी फूस लावून पळवून नेले. रात्री उशीरापर्यंत मुलगी घरी न आल्याने मुलीच्या वडिलांनी विसरवाडी पोलीस ठाण्यात फिर्याद दिली. त्यावरून अज्ञात व्यक्तीविरुद्ध गुन्हा दाखल झाला. तपास सहायक निरिक्षक न्हायदे करीत आहे.