फेरीवाले, विक्रेत्यांसाठी नंदुरबारात दहा ठिकाणी कोरोना स्वॅब संकलन केंद्र

शहरात दहा पथकामार्फत स्वॅब घेण्याचे काम करण्यात येत आहे. शहरातील हाटदरवाजा पोलीस चौकी, मंगळबाजार पोलीस चौकी, एसबीआय बँक चौक, शहर पोलीस स्टेशनजवळ, नेहरू चौक येथे स्थिर पथके नियुक्त करण्यात आली आहेत, तर सिंधी कॉलनी, गिरीविहार गेट ते कोरीट नाका, धुळे चौफुली ते बस स्टॅन्ड, डॉ. बाबासाहेब आंबेडकर पुतळा परिसर या भागात फिरत्या पथकामार्फत व्यावसायिकांची रॅपिड ॲन्टिजन चाचणी करण्यात आली. या मोहिमेसाठी मुख्याधिकारी राजेंद्र शिंदे आणि तालुका वैद्यकीय अधिकारी जयेश सूर्यवंशी यांचे सहकार्य करीत आहेत. पुढील काही दिवस ही मोहीम सुरू राहणार असून, नागरिकांनी कोरोनाची लक्षणे असल्यास चाचणी करून घ्यावी, असे आवाहन तहसीलदार भाऊसाहेब थोरात यांनी केले आहे.

दरम्यान, ज्या ठिकाणी स्थिर पथके आहेत त्या ठिकाणी कुठलाही बोर्ड किंवा बॅनर लावलेेले त्यामुळे नागरिकांना नेमका कसला स्टॅाल आहे हे कळत नाही. जर त्या ठिकाणी मोफत कोरोना स्वॅब चाचणी सुविधा उपलब्ध असा बोर्ड लावला तर सामान्य नागरिक त्या ठिकाणी जाऊन चाचणी करून घेऊ शकतो असे बोलले जात आहे.