लोय आश्रमशाळेच्या क्वार्टरमध्ये घरफोडी

आश्रमशाळेतील क्वार्टरमधून 30 हजार रूपयांचे साहित्य आणि दागिने चोरून नेल्याची घटना घडली़ गुरूवारी सकाळी ही घटना उघडकीस आली़

 ऑनलाईन लोकमत

नंदुरबार, दि.26- तालुक्यातील लोय येथे आदिवासी विकास विभागाच्या आश्रमशाळेतील क्वार्टरमधून 30 हजार रूपयांचे साहित्य आणि दागिने चोरून नेल्याची घटना घडली़ गुरूवारी सकाळी ही घटना उघडकीस आली़ 

लोय आश्रमशाळेतील कर्मचारी ललित बन्सीलाल साळूंखे हे कुटूंबासह बाहेरगावी गेले असताना, अज्ञात चोरटय़ाने आश्रमशाळेच्या आवारात असलेल्या शासकीय निवासस्थानातून पाच हजार रूपये किमतीचा फ्रिज, पाच हजार रूपये किमतीचा टिव्ही, 15 हजार रूपये किमतीचे इन्व्र्हटर व बॅटरी, तीन हजार 700 रूपये किमतीच्या सोन्याच्या अंगठय़ा व एक हजार 200 रूपये किमतीचे चांदीचा कमरपट्टा असे एकूण 29 हजार 900 रूपयांचे साहित्य अज्ञात चोरटय़ांनी चोरून नेले. याबाबत ललित साळूंखे यांनी उपनगर पोलीस ठाण्यात दिलेल्या फिर्यादीवरून अज्ञात चोरटय़ांविरोधात गुन्हा दाखल करण्यात आला आह़े