कोठली येथे मारहाण, जमावविरुद्ध गुन्हा

लोकमत न्यूज नेटवर्क
सारंगखेडा : कोठली त सारंगखेडा येथे जातीवाचक शिवीगाळ व मारहाण केल्याप्रकरणी २२ जणांसह जमाविरुद्ध सारंगखेडा पोलीस ठाण्यात साथरोग प्रतिबंधक अधिनियमसह आपत्ती व्यवस्थापन कायदा व व अनुसूचित जाती-जमाती अत्याचार प्रतिबंधक कायद्याअंतर्गत गुन्हा दाखल करण्यात आला. २२ जणांना २२ जूनपर्यंत पोलीस कोठडी देण्यात आली आहे.
पोलीस सूत्रांनुसार, कोठली येथील प्रशांत गिरासे व गवळे परिवारात किरकोळ कारणावरून वाद झाला. वादाचे पर्यावसान मारहाणीत झाले. जमावाने घरात घुसून मारहाण केल्याचे व घराचे नुकसान केल्याचे फिर्यादीत म्हटले आहे. शरद झगा गवळे यांच्या फिर्यादीवरून प्रशांत विजयसिंह गिरासे, राहुल भालेराव पाटील, सरदारसिंग संपतसिंग गिरासे, केवलसिंग लवसिंग गिरासे, योगेन्द्र सिंग केवल गिरासे, सोपान दिलीपसिंग गिरासे, पंकज देवसिंग गिरासे, योगेंद्र गोविंदसिंग गिरासे, प्रवीण आनंदसिंग गिरासे, दिलीप दगेसिंग गिरासे, हितेश भगतसिंग गिरासे, मुनेश विजयसिंग गिरासे, हरपालसिंग दरबारसिंग गिरासे, आनंदसिंग ठानसिंग गिरासे, संपतसिंग रामसिंग गिरासे, गणपतसिंग रामसिंग गिरासे, चंदू रामसिंग गिरासे, प्रतापसिंग भगवानसिंग गिरासे, मोहिनीराज भालेराव गिरासे, हेमंत सुरेश पाटील, मंगलसिंग लवसिंग गिरासे, प्रवीण खुमानसिंग गिरासे यांच्यासह जमाविरुद्ध गुन्हा दाखल करण्यात आला आहे.
मंगलाबाई सुनील गवळे, सुनील पीरण गवळे, राधाबाई विजय गवळे, शोभाबाई अंबर गवळे, यांच्या घरात घुसून मारहाण केली. मोटरसायकल, घरातील वस्तू सामान फेकून दिल्याचे शरद झगा गवळे यांनी दिलेल्या फिर्यादीत नमुद करण्यात आले आहे.
संशयीतांना अटक करून न्यायालयात उभे केले असता त्यांना २२ जूनपर्यंत पोलीस कोठडीत ठेवण्याचे आदेश न्यायालयाने दिले. घटनास्थळी पोलीस अधीक्षक महेंद्र पंडित, उपअधीक्षक विक्रम कदम, निरीक्षक नितीन चव्हाण, उपनिरीक्षक संदीप पाटील यांनी भेट दिली.
गावात पोलीस बंदोबस्त तैणात करण्यात आला आहे. पोलीस अधीक्षकांनी शांततेचे आवाहन केले असून कुणाचीही गय केली जाणार नसल्याचे स्पष्ट केले.