कोरोनाच्या दुसऱ्या लाटेमध्ये आरोग्य विमा कंपन्यांनीही लुटले !

विमा रकमेत

कपात कारण...

रुग्णांनी विमा कंपन्यांकडे दावा केल्यानंतर विविध कारणांनी विमा नामंजूर अथवा भरपाई कमी देण्यात आली. त्यात रुग्णालयात भरती होण्याचे निकष रुग्णांनी व रुग्णालयांनी पूर्ण केले नसल्याचे कंपनीचे म्हणणे आहे.

रुग्णालयात दाखल झाल्यानंतर लगेचच विमा कंपनीस न कळविल्यामुळे रुग्णालय व्हिजिट पूर्ण होऊ शकली नाही. हे कारण देत बहुतांश रुग्णांचा मेडिक्लेम विमा कंपन्यांनी रद्द केला आहे.

केस १ : गजानन पाटील या रुग्णाने एका खासगी बँकेचा विमा काढला होता. परंतु कागदपत्रांची पूर्तता नसल्याचे कारण देत त्याचा मेडिक्लेम रद्द करण्यात आला.

केस २ : खासगी रुग्णालयात दाखल असलेल्या किरण कोल्हे यांचा त्यांच्या कंपनीमार्फत काढलेला मेडिक्लेम मान्य करून त्यांना कोरोनाकाळात उपचार करण्यासाठी रुग्णालयात लागलेला खर्च विमा कंपनीने अदा केला आहे.