श्री गीता जयंतीनिमित्त

नांदेड : श्रीमद् भगवद्गीता जयंतीनिमित्त श्री दासगणू संत भक्त मंडळ आणि सायन्स कॉलेज, नांदेड यांच्या संयुक्त विद्यमाने शालेय विद्यार्थ्यांसाठी गीतेच्या १४व्या अध्यायाचे पठण/पाठांतर स्पर्धा कुसुम सभागृहात झाल्या. ११ संघांनी स्पर्धेत सहभाग घेतला. प्रा. नंदकुमार मेगदे लिखित श्रीबदरीनाथ, कैलास-मानस सरोवरयात्रा- अद्भुत अनुभव या पुस्तकाचे विमोचन आ. मोहन अण्णा हंबर्डे, पत्रकार शंतनु डोईफोडे व प्रा. डॉ. दीपक बच्चेवार यांच्या हस्ते करण्यात आले. पठण/पाठांतर स्पर्धेत टायनी एंजल्स स्कूल, लक्ष्मीनगर- प्रथम, ऑक्सफर्ड दि ग्लोबल स्कूल, पुयणी- द्वितीय, तर ऑक्सफर्ड इंटरनॅशनल स्कूल, नांदेड या शाळेने तृतीय क्रमांक पटकावला.

याप्रसंगी डॉ. बच्चेवार यांनी, नवीन शैक्षणिक धोरणात गीतेचा समावेश निश्चितपणे असेल अशी आशा व्यक्त केली. या कार्यक्रमाला सहभागी संघातील विद्यार्थ्यांच्या पालकांसह समस्त मेगदे कुटुंबीय आणि श्री दासगणू संत भक्त मंडळाचे सदस्य तसेच वसंत मैया, विजय होकर्णे, आदीही उपस्थित होते.

प्राचार्य डॉ. गवई यांनी अध्यक्षीय समारोप केला. प्रा. डॉ. प्रदीप वेसणेकर यांनी प्रास्ताविक केले. प्रा. शुक्ला यांनी सूत्रसंचालन केले. निमीष रायलवार यांनी आभार मानले. युवासंघाच्या सदस्यांनी गायलेल्या ब्रह्मलीन स्वामी वरदानंद भारती यांच्या राष्ट्रसंरक्षण पोवाड्यातील पसायदानाने कार्यक्रमाची सांगता झाली.