पाच लाखांसाठी विवाहितेचा छळ

नांदेड- किनवट तालुक्यातील खैरोद्दीन रस्त्यावर सुरु असलेल्या जुगार अड्डयावर पोलिसांनी धाड मारली. या ठिकाणी टाईम क्लोज नावाचा जुगार सुरु होता. पोलिसांनी येथून अडीच हजार रुपये जप्त केले आहेत. या प्रकरणात पोना.गजानन रामदासी यांच्या तक्रारीवरुन गुन्हा नोंदविण्यात आला आहे.

दुचाकीवरुन नेण्यात येणारी दारु पकडली

नांदेड- भोकर ते म्हैसा रस्त्यावर दुचाकीवरुन अवैधपणे नेण्यात येणारी दारु पोलिसांनी पकडली. १९ जानेवारी रोजी ही कारवाई करण्यात आली.यावेळी दीड हजार रुपयांची दारु आणि२० हजारांची दुचाकी जप्त करण्यात आली. या प्रकरणात भोकर पोलिस ठाण्यात गुन्हा नोंदविण्यात आला आहे.

तरुणाची गळफास घेवून आत्महत्या

नांदेड- शहरातील गोवर्धन घाट परिसरात एका तरुणाने घरात गळफास घेवून आत्महत्या केली. ही घटना १९ जानेवारी रोजी उघडकीस आली.

बीड जिल्ह्यातील गेवराई येथील अनिल किशनराव गायकवाड हा तरुण गोवर्धन घाट परिसरात राहत होता. १९ जानेवारी रोजी अज्ञात कारणाने त्याने घरातील तुळईला ओढणीने गळफास घेवून आत्महत्या केली. या प्रकरणात वजिराबाद पोलिसांनी आकस्मिक मृत्यूची नोंद केली आहे.