किनवट येथे घरफोडीची घटना

काबरानगर येथून दुचाकी लांबविली

जिल्ह्यात दुचाकी चोरीचे सत्र थांबेना झाले आहे. १३ मे रोजी काबरानगर येथे घरासमोरील दुचाकी चोरट्याने लांबविली. डॉ.प्रतिभा दिलीपराव देवसरकर यांनी एम.एच.२६, बीपी ६२३५ या क्रमांकाची दुचाकी घरासमोर उभी केली होती. ४५ हजार रुपये किमतीची ही दुचाकी लंपास केली. या प्रकरणात भाग्यनगर पोलीस ठाण्यात गुन्हा नोंद झाला.

शहरात एक लाख रुपयांचे साहित्य लंपास

शहरातील नमस्कार चौकाजवळ असलेल्या गजानन नगरमध्ये मोकळ्या जागेत ठेवलेल्या इनव्हर्टर आणि पाच बॅटरी लंपास करण्यात आल्या. ही घटना २१ एप्रिल रोजी घडली. गणेश देविदास कदम यांनी किरायाने घेतलेल्या मोकळ्या जागेत हे साहित्य ठेवले होते. १ लाख ५ हजार रुपये किमतीचे हे साहित्य लंपास करण्यात आले. या प्रकरणात विमानतळ पोलीस ठाण्यात गुन्हा नोंद झाला.

घरासमोर टँकर लावण्यावरून मारहाण

मुखेड तालुक्यातील मौजे नंदगाव येथे घरासमोर पाण्याचा टँकर उभा करण्याच्या वादातून एका शेतकऱ्याला मारहाण करण्यात आली. ही घटना १३ मे रोजी घडली. या प्रकरणात मुखेड पोलीस ठाण्यात गुन्हा नोंदविण्यात आला आहे.

गोविंद मलबा बंदखडके यांनी सायंकाळी सहा वाजेच्या सुमारास आरोपीच्या घरासमोर पाण्याचा टँकर उभा केला होता. त्यावरून आरोपीने बंदखडके यांच्याशी वाद घालून विटकर फेकून मारली. यामध्ये बंदखडके यांच्या तोंडाला दुखापत झाली आहे. या प्रकरणात त्यांनी ठाण्यात तक्रार दिली.