साडेपाच हजारांची दारू जप्त

चिकन फेस्टिव्हल

हदगाव : तालुक्यातील पशुवैद्यकीय दवाखान्याकडून आयोजित चिकन फेस्टिव्हलला प्रतिसाद मिळाला. बर्ड फ्लू जनजागृती अभियानांतर्गत हा कार्यक्रम घेण्यात आला. आ. माधवराव जवळगावकर यांनी उद्घाटन केले. या वेळी साहाय्यक जिल्हाधिकारी खुशालसिंह परदेशी, जिल्हा पशुसंवर्धन अधिकारी डॉ. बोधनकर, उपविभागीय अधिकारी जीवराज डापकर, साहाय्यक पशुसंवर्धन आयुक्त डॉ. खुणे, तालुका पशुसंवर्धन अधिकारी डॉ. माधव लोकरे आदी उपस्थित होते.

ओमकार महाराजांचे कीर्तन

नरसीफाटा : नायगाव तालुक्यातील कामरसपल्ली येथील बाल कीर्तनकार ओमकार मनोहर महाराज यांचे वन्नाळी, ता. देगलूर येथे २३ फेब्रुवारी रोजी कीर्तन घेण्यात आले. वन्नाळी येथे २२ फेब्रुवारी ते १ मार्च दरम्यान अखंड हरिनाम सप्ताह घेण्यात येत आहे. या अंतर्गत ओमकार महाराजांचे कीर्तन झाले.

भाजीपाला कवडीमोल दराने

हदगाव : हदगाव तालुक्यासह बरडशेवाळा, पळसा, मनाठा, बामणीफाटा, चिंचगव्हाण, शिबदरा परिसरात कवडीमोल दराने भाजीपाल्याची विक्री होत आहे. ज्या शेतकऱ्यांकडे विहीर व बोअरवेलची सोय आहे, अशांनी शेतीला जोडधंदा म्हणून भाजीपाला लावला. मात्र या भाजीपाल्याला अल्पदर मिळत आहे.

उमरी येथे रमामाता जयंती

उमरी : यशवंत कॉलनी काश्यप बुद्धविहार उमरी येथे रमाई महिला मंडळाच्या वतीने रमाई जयंती साजरी करण्यात आली. यानिमित्ताने मंडळाच्या अध्यक्षा जयाबाई जोंधळे यांनी ध्वजारोहण केले. सायंकाळी जाहीर सभा घेण्यात आली. या वेळी युवराज मोरे, लता शिंदे, बी.एल. शिंदे उपस्थित होते. कार्यक्रमासाठी अध्यक्षा जयाबाई जोंधळे, उपाध्यक्ष सुनंदा कांबळे, सचिव यशोदा जोंधळे, कोषाध्यक्ष जयश्री वाघमारे, सल्लागार सुनंदा धडके आदींनी परिश्रम घेतले.

माळाकोळी येथे फिरते लोकअदालत

लोहा : तालुक्यातील माळाकोळी येथे फिरते लोकअदालत कार्यक्रम घेण्यात आला. यासाठी मुंबई उच्च न्यायालयाकडून मोबाइल व्हॅन आली होती. या वेळी सेवानिवृत्त जिल्हा न्यायाधीश पॅनलप्रमुख कमल वडगावकर, कर्मचारी वसंत वडजे, मिरजकर, कापसे, चंपत शिंदे, माळाकोळीच्या सरपंच वैष्णवी सूर, ग्रामविकास अधिकारी एस.एस. धुळगंडे, विस्तार अधिकारी भोसले, फौजदार माणिक डोके आदी उपस्थित होते.

नदीत बुडून मृत्यू

अर्धापूर : आसना नदीच्या पात्रात बुडून एका तरुणाचा मृत्यू झाल्याची घटना २० फेब्रुवारी रोजी घडली. शेख अरबाज शेख रज्जाक (वय १५) हा मित्रांसोबत आसना नदीवर पोहण्यासाठी गेला होता. मात्र त्याला पोहता येत नव्हते. त्यामुळे पाण्यात बुडून त्याचा मृत्यू झाला. या प्रकरणी शेख मदार यांनी दिलेल्या फिर्यादीवरून विमानतळ पोलिसांनी घटनेची नोंद घेतली.

शहराध्यक्षपदी जलील पठाण

मुक्रमाबाद : ऑल इंडिया तंजीम ए इन्साफ संघटनेच्या शहराध्यक्षपदी जलील पठाण यांची निवड झाली. उपाध्यक्षपदी शफी कुरेशी, सचिव असीफ शेख, सहसचिव असलम पठाण, कोषाध्यक्ष शेख सोहेल, सल्लागार शेख मुस्तफा, कार्याध्यक्ष जलील पटेल, तर सदस्य म्हणून मन्यार मस्तान, शेख अजहर, शेख अब्दुल, मुशरफ तांबोळी, गौस चौधरी, शेख मेहबुब यांची निवड झाली.

रक्तदान शिबिर

हदगाव : हदगाव तालुक्यातील उंचेगाव येथे शिवजयंतीनिमित्त रक्तदान शिबिर २२ रोजी घेण्यात आले. या वेळी कोरोना नियमांचे पालन करण्यात आले. कार्यक्रमासाठी राहुल वाघमारे, नामदेव पांचाळ, गणेश चौधरी, ऋतुजा कदम, ज्योती रामुलवाड, ज्ञानेश्वर शिरडकर, उद्धव मुळे आदींनी परिश्रम घेतले.