दुचाकी चोरट्यास अटक

लाेकमत न्यूज नेटवर्क

कन्हान : पाेलिसांनी बुधवारी (दि. ३) रात्री कन्हान (ता. पारशिवनी) परिसरात केलेल्या कारवाईमध्ये माेटरसायकल चाेरट्यात शिताफीने ताब्यात घेत अटक केली. त्याच्याकडून १ लाख २० हजार रुपये किमतीच्या तीन माेटरसायकली जप्त केल्या, अशी माहिती पाेलीस निरीक्षक अरुण त्रिपाठी यांनी दिली.

गाेलू बिहारी उंदरिया (२५, रा. टेकाडी, ता. पारशिवनी) असे अटक करण्यात आलेल्या चाेरट्याचे नाव आहे. कन्हान पाेलीस ठाण्याच्या हद्दीत दुचाकी चाेरीच्या घटना हळूहळू वाढायला सुरुवात झाली हाेती. त्यामुळे पाेलिसांनी गांभीर्याने चाेरट्यांचा शाेध घ्यायला सुरुवात केली. या चाेरीत गाेलूचा सहभाग असून, ताे बुधवारी (दि. ३) रात्री ७ वाजताच्या सुमारास टेकाडी येथील साईमंदिर परिसरात फिरत असल्याची माहिती पाेलिसांना मिळाली हाेती. त्यामुळे पाेलिसांनी त्याला ताब्यात घेण्यासाठी सापळा रचला हाेता.

दरम्यान, पाेलिसांना पाहताच गाेलूने पळ काढला. मात्र, पाेलिसांनी पाठलाग करून त्याला त्याब्यात घेतले. चाैकशीत त्याने गुन्ह्याची कबुली दिल्याने त्याला अटक करण्यात आली. शिवाय, त्याच्याकडून १ लाख २० हजार रुपये किमतीच्या एमएच-४०/एएन-७८८०, एमएच-४०/एएफ-८८८७ व एमएच-३१/ईजे-८६९६ क्रमांकाच्या तीन माेटरसायकली जप्त केल्या. या तिन्ही माेटरसायकलींची एकूण किंमत १ लाख २० हजार रुपये असून, त्याने यातील दाेन माेटरसायकली कन्हान व एक माेटरसायकल नागपूर शहरातील राणा प्रतापनगर पाेलीस ठाण्याच्या हद्दीतून चाेरल्याची माहिती ठाणेदार अरुण त्रिपाठी यांनी दिली. त्याच्याकडून वाहन चाेरीच्या अन्य घटना उघड हाेण्याची शक्यताही त्यांनी व्यक्त केली.

या प्रकरणी कन्हान पाेलिसांनी भादंवि ३७९ अन्वये गुन्हा नाेंदवून तपास सुरू केला आहे. ही कारवाई सहायक पोलीस निरीक्षक सतीश मेश्राम, येशू जोसेफ, राहुल रंगारी, शरद गीते, सुधीर चव्हाण, मंगेश सोनटक्के, वीरेंद्रसिंग चौधरी, विशाल शंभरकर, जितेंद गावंडे यांच्या पथकाने केली.