टायगरने घेतली ‘वाघिण’ दत्तक दत्तक योजना

चित्रपट अभिनेता जॉकी श्रॉफचा मुलगा टायगर श्रॉफने महाराज बाग प्राणिसंग्रहालयातील एक वाघिण दत्तक घेतली आहे. त्यानुसार टायगरने शनिवारी दुपारी १२.१५ वाजता महाराज बाग

 महाराज बाग प्रशासनाला दिला एक लाखाचा धनादेश

नागपूर : चित्रपट अभिनेता जॉकी श्रॉफचा मुलगा टायगर श्रॉफने महाराज बाग प्राणिसंग्रहालयातील एक वाघिण दत्तक घेतली आहे. त्यानुसार टायगरने शनिवारी दुपारी १२.१५ वाजता महाराज बाग प्राणिसंग्रहालयाचे प्रभारी डॉ. सुनील बावस्कर यांना एक लाख रुपयांचा धनादेश प्रदान करून, दत्तक प्रक्रिया पूर्ण केली. यावेळी टायगरची पत्नी कृती त्याच्यासोबत होती. महाराज बाग प्रशासनाने मागील वर्षीपासून येथील वन्यप्राण्यांसाठी दत्तक योजना सुरू केली आहे. या योजनेतर्गंत कोणतीही व्यक्ती वा संस्था येथील प्राण्याला सहा महिने किंवा एक वर्षांसाठी दत्तक घेऊ शकतात. त्या मोबदल्यात संबंधित व्यक्ती किंवा संस्थेच्या नावाचा फलक त्या वन्यप्राण्याच्या पिंजर्‍यासमोर लावल्या जातो. विशेष म्हणजे, या योजनेत ‘लोकमत’ बाल विकास मंचाने सर्व प्रथम पुढाकार घेऊ न गतवर्षी येथील एका वाघिणीला दत्तक घेतले होते. त्यानंतर नुकत्याच काही महिन्यांपूर्वी केरळ येथील जीथून नायर या तरुणाने दुसरा वाघ दत्तक घेतला होता. शिवाय आता टायगर श्रॉफ याने सुद्धा एक वाघिण दत्तक घेतली आहे. महाराज बाग प्रशासनाच्या योजनेनुसार दत्तक घेणार्‍या व्यक्तीकडून एक लाख रुपयांचा निधी घेतल्या जातो. त्यातून वर्षभरातील त्या वाघाचे खाद्य व देखरेखीचा खर्च पूर्ण केल्या जातो. त्यानुसार टायगर श्रॉफने शनिवारी महाराज प्रशासनाला एक लाख रुपयांचा धनादेश देऊ न दत्तक प्रक्रिया पूर्ण केली. सोबतच यावेळी टायगरने वाघाचे छायाचित्र असलेले टी-शर्ट दाखवून ‘वाघाची सुरक्षा व संवर्धनाचा’ संदेश दिला. सध्या महाराज बाग प्राणिसंग्रहालयात एकूण चार वाघ आहेत. (प्रतिनिधी)