शहर-ग्रामीणमध्ये कोरोनाने एकही मृत्यू नाही

लोकमत न्यूज नेटवर्क

नागपूर : बुधवारी नागपूर शहर व ग्रामीणमध्ये कोरोनाने एकाही रुग्णाचा मृत्यू झाला नाही. केवळ जिल्ह्याबाहेरच्या एका रुग्णाच्या मृत्यूची नोंद करण्यात आली.

बुधवारी एकूण ४६ पॉझिटिव्ह रुग्ण आढळून आले. यात शहरातील २५ आणि ग्रामीणचे २० तसेच जिल्ह्याबाहेरच्या एकाचा समावेश आहे. आतापर्यंत एकूण ४,७६,८७० पॉझिटिव्ह रुग्ण सापडले. ९०२२ रुग्णांचा मृत्यू झाला. बुधवारी जिल्ह्यात ९७ कोरोना रुग्ण बरे झाले. यासोबतच आतापर्यंत एकूण ४,६७,१९० पॉझिटिव्ह बरे झाले आहेत. रिकव्हरी रेट ९७.९६ टक्केवर पोहोचला आहे. गेल्या २४ तासाच ९४१३ नमुन्यांची तपासणी करण्यात आली. जिल्ह्यातील संक्रमणाचा दरही ०.४८ टक्के इतका नोंदविण्यात आला आहे.

नागपुरातील सक्रिय रुग्णांची संख्या केवळ ६५८ इतकी राहिली आहे. यात शहरातील ६१० आणि ग्रामीणचे ४८ आहेत. सक्रिय रुग्णांपैकी ४६२ होम आयसोलेशनमध्ये आहेत तर १९६ रुग्ण विविध रुग्णालयात उपचार घेत आहेत.

ॲक्टिव्ह - ६५८

बरे झालेले - ४६७१९०

मृत ९०२२