श्रद्धेय बाबूजी यांना आज स्वरसुमनांजली

लोकमत वृत्तपत्र समूहाचे संस्थापक संपादक व ज्येष्ठ स्वातंत्र्यसंग्राम सेनानी जवाहरलालजी दर्डा उपाख्य बाबूजी यांच्या

नागपूर :लोकमत वृत्तपत्र समूहाचे संस्थापक संपादक व ज्येष्ठ स्वातंत्र्यसंग्राम सेनानी जवाहरलालजी दर्डा उपाख्य बाबूजी यांच्या स्मृतिदिनानिमित्त बुधवार दि. २५ नोव्हेंबर रोजी सकाळी १०.३० वाजता लोकमत भवनातील जवाहरलाल दर्डा आर्ट गॅलरी येथे नागपूरचे कलावंत स्वरसुमनांजली अर्पित करतील. यावेळी प्रसिद्ध गायक नीलेश सावरकर भक्तिगीत सादर करतील.
संवादिनीवर नीलेश सावरकर यांच्यासोबत तबल्यावर प्रसिद्ध तबलावादक पंकज येळणे साथसंगत करतील. मायनरवर कमलेश सावरकर साथ देतील. ध्वनिसंयोजन व्यवस्था अशोक दुरुगकर यांची राहील. बाबूजींचे चाहते व लोकमत परिवारातील सदस्य यावेळी उपस्थित राहतील.(प्रतिनिधी)