पारंपरिक पद्धतीने पार पडला शिवराज्र्याभिषेक दिन सोहळा

लोकमत न्यूज नेटवर्क

नागपूर : श्री शिवराज्याभिषेक सोहळा समितीच्यावतीने महाल येथील श्री छत्रपती शिवाजी महाराज चौक येथील महाराजांच्या पूर्णाकृती पुतळ्यापुढे तिथीनुसार शिवराज्याभिषेक सोहळा दिन उत्साहात साजरा झाला. यावेळी महाराजांना वैदिक मंत्रोच्चाराच्या गजरात दुग्धाभिषेक घातला गेला.

कोरोना संक्रमणाच्या पार्श्वभूमीवर सलग दुसऱ्या वर्षी या सोहळ्याचे स्वरूप अगदी मर्यादित ठेवण्यात आले होते. यावेळी प्रमुख पाहुणे म्हणून श्रीमंत राजे मुधोजी भोसले, पोलीस आयुक्त मतानी, कविता भोसले उपस्थित होते. यावेळी भाग्यश्री वाटकर व धनश्री वाटकर या गायिका भगिनींचा सत्कार करण्यात आला. सोबतच महानगरपालिकेच्या परिचारिका वीणा कापसे व जागृती भुरे यांनाही सन्मानित करण्यात आले. लसीकरण बळकट करण्याचा संदेश देणारी रांगोळी निकिता हिरुळकर यांनी साकारली. यावेळी दिलीप दिवटे, प्रवीण घरजाळे, पंकज धुर्वे, जय आसकर, कुशांक गायकवाड, प्रज्वल अवचट, आशिष चौधरी, सुधांशू ठाकरे, चेतन बावनकुळे, साहिल काठोथे, अथर्व कोल्हे, वेदांत गेटमे, अभिषेक सावरकर, रितेश बडवाईक, गोलू ठाकरे, भूषण वानखेडे, विशाल देवकर, नीरजा पाटील, प्रभा जगनाडे, मेघा शिंदे, बरखा बडवाईक, क्रिश गोसेवाडे, सिद्धार्थ कडुकर, शुभम तारेकर, अमोल मांढरे, तहीकर उपस्थित होते.

..................