नागपूर : सदर येथील हॉटेल तुली इंटरनॅशनलमध्ये सुरू असलेल्या एका पार्टीत रविवारी सायंकाळी गोंधळ उडाला. पार्टी बंद करण्यासाठी पोहोचलेले कथित शिवसेना कार्यकर्ते आणि पार्टीचे आयोजक आपसात भिडले. आयोजकांनी या कार्यकर्त्यांंची चांगलीच धुलाई केली. त्यामुळे काही वेळेसाठी धावपळ उडाली.
सूत्रानुसार हॉटेल तुली इंटरनॅशनल येथील
शिवसेना कार्यकर्त्यांंनी राडा केल्यानंतर
‘पब’मध्ये तरुणांची पार्टी आयोजित करण्यात आली होती. या पार्टीचे निमंत्रण फेसबुकच्या माध्यमातून देण्यात आले होते. पार्टीसाठी सदर पोलिसांकडून परवानगीसुद्धा घेण्यात आली होती. सायंकाळी ६.३0 वाजताच्या सुमारास स्वत:ला शिवसैनिक म्हणवून घेणारा सागर चावला आपल्या पाच सहा कार्यकर्त्यांसह पबमध्ये पोहोचला. त्याने पार्टी बंद करण्याचा इशारा दिला. दरम्यान पार्टीत सहभागी तरुण-तरुणी डीजेच्या तालावर नाचत होते. त्यातील बहुतांश तरुण-तरुणी नशेत होते. ते काही समजण्यापूर्वीच आयोजक या कार्यकर्त्यांंना हाकलू लागले. त्यानंतर दोन्ही गटात जोरदार मारहाण झाली. मारहाण होत असल्याचे पाहून पार्टीत सहभागी झालेले तरुण-तरुणी पळू लागले. हॉटेलबाहेर येताच प्रसिद्धी माध्यमांचे कॅमेरे दिसू लागताच तरुणी आपले चेहरे लपवू लागल्या. त्यांनी आपली वाहने हॉटेलसमोर सदर रोडवर पार्क केली होती. सर्वांंनाच पळून जाण्याची घाई होती. त्यातच एका कारने लिबर्टी टॉकीजकडे जात असलेल्या स्टार बसला धडक दिली. ‘पब पार्टी’त सहभागी सर्वांंचीच पळता भुई थोडी झाली.
Web Title: Shiv Sena's Rada in 'Pub Party'
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
