वाघाची हाडे, मिशा, नखे जप्त

लाेकमत न्यूज नेटवर्क

बेला : तस्करी करण्याच्या उद्देशाने वाघाचे अवयव बाळगणाऱ्या सहा जणांना वन विभागाच्या अधिकाऱ्यांनी अटक केली. त्यांच्याकडून वाघाची हाडे, मिशा व नखे जप्त करण्यात आली आहेत. या आराेपींना न्यायालयाने चार दिवसांची वनकाेठडी सुनावली आहे, अशी माहिती बुटीबाेरी येथील वनपरिक्षेत्र अधिकारी एल.व्ही. ठाेकळ यांनी दिली.

श्रीदास बळीराम कडते, प्रभाकर बालाजी ताेडासे, मुरलीधर केशव नैताम, याेगेश लालश्याम ताेडासे, रामचंद्र तुकाराम बावणे व श्रीराम लक्ष्मण पाेरेते अशी अटक करण्यात आलेल्या आराेपींची नावे आहेत. याेगेश, रामचंद्र व श्रीराम यांच्याकडे वाघाचे अवयव असल्याची माहिती वन अधिकाऱ्यांना मिळाली हाेती. त्यामुळे वन विभागाच्या पथकाने गुरुवारी (दि. ९) सापळा रचून या तिघांना बाेरखेडी टाेल नाका परिसरातून ताब्यात घेतले. त्यांच्याकडे वाघाची सहा नखे व १३ मिशा आढळून येताच त्यांना अटक केली. या तिन्ही आराेपींनी दिलेल्या माहितीच्या आधारे वन कर्मचाऱ्यांनी शुक्रवारी (दि. १०) श्रीदास, प्रभाकर व मुरलीधर या तिघांना ताब्यात घेत त्यांच्या घराची झडती घेतली. त्यात वन कर्मचाऱ्यांना वाघाच्या शरीराचे काही अवशेष आढळून आल्याने ते जप्त करण्यात आले.

या सर्व आराेपींना शनिवारी नागपूर येथील जिल्हा सत्र न्यायालयात हजर करण्यात आले हाेते. न्यायालयाने सहाही आराेपींना चार दिवसांची अर्थात मंगळवार (दि. १४) पर्यंत वनकाेठडी सुनावली आहे. ही कारवाई वनपरिक्षेत्र अधिकारी एल.व्ही..ठाेकळ, वनपाल केकाण, जे.डी. जाेधे, ए.व्ही. जनवार, शेंडे, टवले, चव्हाण, पडवाल, गणेश जाधव, महादेव मुंडे, ताडाम, मरसकाेल्हे, धुर्वे, सुधीर कुलरकर, आर.एस. पाेराटे यांच्या पथकाने केली.

...

जप्त केलेला मुद्देमाल

या प्रकरणात वन विभागाने आराेपींकडून वाघाची पाच हाडे (६०० ग्रॅम), ५५ नग मिशा, २२ नग नखे, साळिंदरचा एक काटा, एक खवले मांजर, वाघाच्या हाडांचे तुकडे (१३५ ग्रॅम), दाेन भाले, विद्युत तारांचे बंडल आदी साहित्य जप्त केले, अशी माहिती वनपरिक्षेत्र अधिकारी एल.व्ही. ठाेकळ यांनी दिली.