मालवाहू वाहनासह काेळसा जप्त

लाेकमत न्यूज नेटवर्क

कामठी : पाेलिसांनी कामठी शहरातील जयस्तंभ चाैकात गुरुवारी (दि. ४) सायंकाळी ६ वाजताच्या सुमारास कारवाई करीत काेळशाची चाेरटी वाहतूक करणारे छाेटे मालवाहू वाहन पकडले. यात वाहनचालकास अटक करण्यात आली असून, त्याच्याकडून १ लाख ७ हजार रुपये किमतीचा मुद्देमाल जप्त केला.

देवनाथ प्रकाश वाडीभस्मे (३०, रा. रायनगर, कन्हान, ता. पारशिवनी) असे अटक करण्यात आलेल्या वाहनचालकाचे नाव आहे. ताे एमएच-३१/सीएन-७०४१ क्रमांकाच्या छाेट्या मालवाहू वाहनात काेळसा घेऊन जात हाेता. संशय आल्याने पाेलिसांनी त्याचे वाहन कामठी शहरातील जयस्तंभ चाैकात थांबवून झडती घेतली. त्यात काेळसा आढळून येताच त्यांनी कागदपत्रांची तपासणी केली. त्यात वाहनातील काेळशाची वाहतूक ही विना परवानगी केली जात असल्याचे स्पष्ट झाल्याने पाेलिसांनी सखाेल चाैकशी केली. त्यात ताे काेळसा चाेरीचा असल्याचे स्पष्ट झाल्याने पाेलिसांनी वाहनचालक देवनाथ वाडीभस्मे यास अटक केली.

त्याच्याकडून एक लाख रुपये किमतीचे वाहन आणि सात हजार रुपये किमतीचा काेळसा असा एकूण १ लाख ७ हजार रुपये किमतीचा मुद्देमाल जप्त केला, अशी माहिती ठाणेदार संजय मेंढे यांनी दिली. याप्रकरणी कामठी (नवीन) पाेलिसांनी भादंवि ३७९ अन्वये गुन्हा दाखल केला असून, ही कारवाई सहायक पोलीस निरीक्षक सुरेश कन्नाके, सहायक फाैजदार विनायक आसतकर, वीरेंद्र खोब्रागडे, मनोहर राऊत, नीलेश यादव, ललित शेंडे यांच्या पथकाने केली.