महा डीबीटी पाेर्टलवर बियाणे उपलब्ध

रामटेक : राज्य शासनाच्या महा डीबीटी या पाेर्टलवर विविध शेतीविषयक याेजनांसाेबतच शेतकऱ्यांना बियाणेदेखील उपलब्ध हाेणार आहेत. त्यासाठी शेतकऱ्यांनी या पाेर्टलवर जाऊन १५ मेपर्यंत अर्ज सादर करणे अनिवार्य आहे, अशी माहिती तालुका कृषी अधिकारी स्वप्निल माने यांनी दिली.

राज्य शासनाच्यावतीने राबविण्यात येत असलेल्या विविध शेतीविषयक याेजनांचा लाभ घेण्यासाठी अर्ज सादर करण्यापासून तर लाभ मिळेपर्यंत एकात्मिक संगणकीय प्रणाली या पाेर्टलद्वारे विकसित केली आहे. या प्रणालीद्वारे शेतकऱ्यांना त्यांच्या पसंतीच्या बाबींच्या निवडीचे स्वातंत्र्य दिले आहे. यावर शेतकऱ्यांना शेतीशी निगडित विविध बाबी व याेजनांचा लाभ घेण्यासाठी शासनाकडे अर्ज करता येतो.

या पाेर्टलवर ‘शेतकरी याेजना’ शीर्षकांतर्गत बियाणे मिळवण्यासाठी अर्ज करता येताे. यासाठी १५ मे ही अर्ज सादर करण्याची अंतिम तारीख आहे. राष्ट्रीय अन्न सुरक्षा अभियानांतर्गत सोयाबीन, तूर, धान, मूग, उडीद, मका व बाजरीचे बियाणे शेतकऱ्यांना अनुदानावर उपलब्ध हाेणार आहे. या अनुदानाची रक्कम शेतकऱ्यांच्या बँक खात्यात जमा हाेणार आहे. यासाठी आधारकार्ड प्रमाणित करणे आवश्यक आहे.

सामूहिक सेवा केंद्रातून हा अर्ज भरला जाऊ शकताे, अशी माहिती तालुका कृषी अधिकारी स्वप्निल माने यांनी दिली असून, याबाबत अडचणी असल्यास कृषी अधिकारी कार्यालयाशी संपर्क साधावा, असे आवाहनही त्यांनी केले आहे.