यशस्वी पुरुषामागे स्त्रीचा वाटा

लाेकमत न्यूज नेटवर्क

वाडी : पुरुषप्रधान संस्कृतीप्रिय वाक्याला मागे टाकत आजच्या स्त्रीने ओव्हरटेक करीत समाजात नवा आदर्श निर्माण केला आहे. जिद्द व चिकाटीने आत्मनिर्भर हाेण्यासाठी सारखी धडपड करीत आहे. घरकाम, नाेकरी, राजकीय व सामाजिक कार्यासाेबतच व्यवसाय सांभाळत स्वत:च्या कलाकाैशल्याला तिने पंख दिले आहेत. शिवाय आराेग्य, फिटनेस, व्यसनमुक्ती अशा विविध क्षेत्रातही तिने आपला ठसा उमटविला आहे. प्रत्येक यशस्वी पुरुषामागे स्त्रीचा सिंहाचा वाटा आहे, असे गाैरवाेद्गार तहसीलदार माेहन टिकले यांनी व्यक्त केले.

जागतिक महिला दिनाचे औचित्य साधून नागपूर ग्रामीण तहसील कार्यालयात शासकीय कामाची उत्कृष्टरीत्या जबाबदारी सांभाळणाऱ्या महिला बीएलओ अनामिका पाटील, हिरा राजे व इतर महिला कर्मचाऱ्यांचा प्रशस्तीपत्र व पुष्पगुच्छ देऊन सत्कार करण्यात आला. याप्रसंगी तहसीलदार टिकले यांनी उपस्थितांशी संवाद साधला. यावेळी नायब तहसीलदार नितीन धापसे पाटील, माेनाली साेनवणे, वरिष्ठ लिपिक ईश्वर बुधे, तलाठी किशाेर शिवरकर आदी उपस्थित हाेते.