नागपुरात कुख्यात गुंडाकडून पिस्तूल जप्त

गुन्हे शाखेच्या युनिट ३ च्या पोलीस पथकाने जरीपटक्यात एका गुंडाला ताब्यात घेऊन त्याच्याकडून मंगळवारी सायंकाळी एक देशी पिस्तूल आणि एक जिवंत काडतूस जप्त केले. मोहम्मद मुब्बशीर शेख शब्बीर (वय २३) असे आरोपीचे नाव आहे. तो जरीपटक्यातील कमर कॉलनीत, जावेद नामक व्यक्तीच्या घरी (अज्जू कबाडीचे घराजवळ) भाड्याने राहत होता.

ठळक मुद्देजरीपटका ठाण्यात गुन्हा दाखल

लोकमत न्यूज नेटवर्कनागपूर : गुन्हे शाखेच्या युनिट ३ च्या पोलीस पथकाने जरीपटक्यात एका गुंडाला ताब्यात घेऊन त्याच्याकडून मंगळवारी सायंकाळी एक देशी पिस्तूल आणि एक जिवंत काडतूस जप्त केले. मोहम्मद मुब्बशीर शेख शब्बीर (वय २३) असे आरोपीचे नाव आहे. तो जरीपटक्यातील कमर कॉलनीत, जावेद नामक व्यक्तीच्या घरी (अज्जू कबाडीचे घराजवळ) भाड्याने राहत होता.आरोपी मुब्बशीर हा पिस्तूल बाळगत असून तो गंभीर गुन्हा करण्याच्या तयारीत असल्याची माहिती गुन्हे शाखा युनिट ३ चे सहायक पोलीस निरीक्षक योगेश चौधरी यांना मिळाली. त्यांनी ही माहिती वरिष्ठांना कळविली. पोलीस उपायुक्त संभाजी कदम यांच्यामार्गदर्शनाखाली मंगळवारी सायंकाळी ५.३० च्या सुमारास सहायक निरीक्षक चौधरी, हवालदार रफीक खान, शैलेष पाटील, नायक अरुण धर्मे, दयाशंकर बिसांद्रे, राकेश यादव, हरीश बावणे आणि सत्येंद्र यादव यांनी जावेदच्या घराजवळून आरोपी मुब्बशीरला अटक केली. त्याच्याविरुद्ध जरीपटका ठाण्यात शस्त्र प्रतिबंधक कायद्याचे कलम ३/२५ नुसार गुन्हा दाखल करण्यात आला. आरोपी मुब्बशीर कोणत्या गुन्ह्याच्या तयारीत होता, त्याची पोलीस चौकशी करीत आहेत.