ठळक मुद्देगगनाला भिडलेल्या पेट्राेल, डिझेलच्या दरापासून सामान्यांना दिलासा मिळताना दिसत नसून, महागाईने लाेकांचे कंबरडे माेडले आहे. पेट्राेल भरताना सामान्य नागिरकाच्या खिशाला चांगलीच कात्री लागत असून, महिन्याचे बजेट बिघडले नाही तर पार काेलमडले आहे.
लोकमत न्यूज नेटवर्क नागपूर : शहरात एकीकडे काेराेना ब्लास्ट हाेत असताना पेट्राेलच्या महागाईचाही बुधवारी भडका उडाला. सातत्याने हाेत असलेली पेट्राेल, डिझेलची दरवाढ बुधवारी कायम हाेती आणि यावेळी अखेर पाॅवर पेट्राेलने डाेळे फाडायला लावणारा तीन अंकी आकडा प्राप्त केला.
हाेय, शहरात पेट्राेलच्या दराने सेंच्युरीचा ताे उच्चांकही गाठला. पाॅवर पेट्राेल १००.२६ रुपयावर पाेहचले. मागाेमाग डिझेलनेही शतक ठाेकण्याची स्पर्धा लावली असून, पाॅवर डिझेल म्हणजे टर्बाे डिझेलचे दर नव्या उच्चांकासह ९१.१९ रुपयावर धडकले. तसे शहरात साध्या पेट्राेलनेही शंभरीकडे वाटचाल सुरू केली असून, त्याचे दरही ९६ रुपये ८० पैशावर पाेहचले आहेत, तर साध्या डिझेलचे दरही ८७.८५ रुपयावर धडकलेले आहेत.