Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

फोटो रॅपवर - भाजप सांस्कृतिक आघाडीचे आयोजन : एकांकिका मालिकेतील सादरीकरण नागपूर : देशाला स्वातंत्र्य मिळून ६८ वर्षे झालीत पण खऱ्या अर्थाने आपण स्वतंत्र झालो का? याचा भावस्पर्शी आढावा घेणाऱ्या एकांकिकेच्या प्रयोगाला रसिकांनी दाद दिली. भाजप सांस्कृतिक आघाडीच्यावतीने युवा रंगकर्मी कुणाल गडेकर यांच्या संकल्पनेतून मासिक एकांकिका सादरीकरणाच्या मालिकेत ही एकांकिका सादर करण्यात आली. युवा रंगकर्मी कुणाल गडेकर यांच्या संकल्पनेतून हा प्रकल्प राबविण्यात येत आहे. या एकांकिकेचा प्रयोग कुणाल गडेकर आणि माधवी पांडे यांच्या निर्मितीतून करण्यात आला. हा प्रयोग साईकृपा मंगल कार्यालय, रहाटे कॉलनी येथे सादर करण्यात आला. धूर्त प्रवृत्तीचा फ्रिडम नावाचा माणूस स्वातंत्र्याचे दुकान उघडतो. दुकानात येणाऱ्यांना सल्ले देण्याचे काम तो करतो. गिरणी कामगाराला पगारात वाढ होत नसल्याने उपोषण करण्याचा, तर मुस्लिम बांधवाच्या मनात कायम उणीव निर्माण करण्याचा आणि समाजात दुही पसरविण्याचे कार्य येथून होते. या सल्लागाराचा सचिव सल्लागाराच्या कृतीच्या विरोधात न्यायालयात दाद मागायला जातो, तेव्हा न्यायाधीश हा प्रश्न जनतेच्याच विवेक बुद्धीवर सोडून देतात, अशी या एकांकिकेची मध्यवर्ती कल्पना आहे. या एकांकि केचे लेखन अभिनेते अभिजित गुरु यांनी केले आहे. दिग्दर्शन ज्येष्ठ रंगकर्मी कि शोर कुळकर्णी यांनी केले. नाटकात आदित्य घुळघुळे, रोहित घांग्रेकर, अभय देशमुख, अश्विनी गेडाम, आशय नालमवार, कौस्तुभ पांडे, योगेश धांडे, हिमानी निखाडे, गौरी दीक्षित, कुणाल गोरले यांनी उत्कृष्ट भूमिका केल्या. नाटकाचे सुत्रधार मकरंद भालेराव, निर्मिती सहाय्य अभय देशमुख, संगीत गौरी सोनटक्के, प्रकाशयोजना अमित आंबुलकर, नेपथ्य हिमानी निखाडे, अंशु बुटी यांनी केले. भाजप सांस्कृतिक आघाडीच्यावतीने देण्यात येणारा ज्येष्ठ रंगकर्मी पुरस्कार यंदा मधु जोशी यांना देण्यात आला. कार्यक्रमाला प्रमुख अतिथी म्हणून भाजपचे प्रदेश प्रवक्ता गिरीश व्यास, आ. विकास कुंभारे, देवेन्द्र दस्तुरे, चेतना टांक, प्रकाश लुंगे, संयोजक कुणाल गडेकर, माधवी पांडे उपस्थित होते. कार्यक्रम यशस्वी करण्यासाठी दिलीप देवरणकर, नितीन पात्रीकर, मधुरा माने, श्रद्धा घरोटे, अंशु बुटी, केतकी पांडे आदींनी परिश्रम घेतले.

Nagpur (Marathi News)

एरवी ‘सायबर क्राईम’ म्हटले की व्यवसाय, ‘आयटी’ किंवा ‘बँकिंग’ ही क्षेत्रे डोळ्यासमोर येतात. ...

अकोला जिल्ह्यातील वाशिंबा येथे घडला अपघात; सहा पोलीस कर्मचारी जखमी. ...

दोन महिला गजाआड : दोन तरुणींची सुटका : गुन्हे शाखेची कामगिरी ...

१६ वर्षांचा बॉक्सर ...

फोटो रॅपवर ...