Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

पुणे : नागपूरमधील समता सहकारी बँकेला १४५ कोटींचा चुना लावणाऱ्या फरारी आराेपीला राज्य गुन्हे अन्वेषण विभागाच्या (सीआयडी) पथकाने हैदराबाद येथून अटक केली. फरारी आरोपी गेली १७ वर्षे पुणे, मुंबईसह तेलंगणा राज्यात ओळख लपवून वास्तव्य करत असल्याचे तपासात उघडकीस आले आहे.विजयकुमार रामचंद्र दायमा (रा. फेअर व्ह्यू सोसायटी, गोदावरी होम्स, हैदराबाद) असे अटक करण्यात आलेल्या आरोपीचे नाव आहे. नागपूर येथील समता सहकारी बँकेतील अधिकारी, कर्मचारी, बँकेचे अध्यक्ष, उपाध्यक्ष, संचालक मंडळाने बनावट कर्जप्रकरणे सादर करून १४५ कोटी ६० लाख रुपयांचा गैरव्यवहार केला होता. या प्रकरणी नागपूरमधील सीताबर्डी पोलिस ठाण्यात २००७ साली अपहार, तसेच फसवणूक केल्याप्रकरणी ५७ जणांविरुद्ध गुन्हा दाखल करण्यात आला होता. आर्थिक गैरव्यवहाराची व्याप्ती विचारात घेता या प्रकरणाचा तपास नागपूर पोलिसांकडून सीआयडीच्या नागपूर कार्यालयाकडे सोपवण्यात आला होता. सीआयडीच्या आर्थिक गुन्हे शाखेकडून या प्रकरणाचा तपास करण्यात येत होता. दायमा गेली १७ वर्षे पुणे, मुंबई आणि तेलंगणा परिसरात ओळख लपवून वास्तव्य करत होता.तो हैदराबादमध्ये वास्तव्यास असल्याची माहिती सीआयडीच्या पुणे कार्यालयातील पथकाला मिळाली. त्यानंतर आर्थिक गुन्हे शाखेच्या पथकाने त्याला हैदराबाद येथून अटक केली. त्याला नागपूरमधील सीआयडीच्या ताब्यात देण्यात आले आहे. सीआयडीच्या पुणे कार्यालयाचे अतिरिक्त पोलिस महासंचालक प्रशांत बुरडे, विशेष पोलिस महानिरीक्षक डाॅ. दिलीप पाटील- भुजबळ, पोलिस अधीक्षक वैशाली माने यांच्या मार्गदर्शनाखाली पोलिस निरीक्षक आनंद रावडे, हवालदार विकास काेळी, सुनील बनसोडे आणि प्रदीप चव्हाण यांनी ही कामगिरी केली.

Nagpur (Marathi News)

-मध्य भारतातील पहिलेच प्रकरण : अ‍ॅल्युमिनियम फॉस्फाईड विषामुळे ९५ टक्के मृत्यूचा धोका. ...

Nagpur : हायकोर्टाने पणन मंत्री व प्रधान सचिवांना मागितले स्पष्टीकरण ...

Nagpur : रेल्वे तिकीट बुकिंग एजंटला त्याच्या जुन्या पार्टनरनेच पैशांसाठी केली मारहाण ...

Nagpur : ग्राहक आयोगाचा ताजश्री हाऊसिंग एजन्सीला आदेश ...

Nagpur : उमरेड तालुक्यातील भिवगड संरक्षित वनातील घटना ...

Nagpur : सहजपणे इथे काय करत आहे असे विचारणे एका मजुराला पडले महागात ...

Nagpur : बारमालकाने दारू न दिल्याने मद्यपीने बारमध्ये राडा करत चाकूने मारण्याची दिली धमकी ...

Nagpur : ताणतणाव व जीवनशैली ठरतेय मुख्य कारण; जागतिक उच्चरक्तदाब दिन विशेष ...

फरारी आरोपी गेली १७ वर्षे पुणे, मुंबईसह तेलंगणा राज्यात ओळख लपवून वास्तव्य करत असल्याचे तपासात उघडकीस आले आहे.... ...