Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

भीमगोंडा देसाई कोल्हापूर : कोकण आणि विदर्भाला जोडणाऱ्या नागपूर - रत्नागिरी राष्ट्रीय महामार्गातील आंबा ते चोकाकपर्यंतचे काम पूर्ण करण्याची मुदत मे २०२६ अखेरपर्यंत मुदत आहे. याचे आतापर्यंत काम ६३ टक्के पूर्ण झाले आहे. उर्वरित काम या मुदतीत पूर्ण करणे आव्हानात्मक आहे. ठेकेदार कंपनीस मे अखेरपर्यंत मुदत असली तरी तीन महिने आणखी मुदतवाढ मिळू शकते, असे राष्ट्रीय महामार्ग प्राधिकरण प्रशासनाकडून सांगण्यात आले.नागपूर ते सांगलीपर्यंतचा रस्ता पूर्ण झाला आहे. सांगली ते कोल्हापूरपर्यंतचा रस्ता रखडला आहे. चोकाक परिसरातील भूसंपादनाचा प्रश्न मार्गी लागला आहे. या कामाला गती येणार आहे. चोकाक ते आंब्यापर्यंतचे काम गतीने सुरू आहे. पहिल्या टप्प्यात रत्नागिरी मिऱ्याबंदर ते आंबापर्यंतचे काम ८० टक्के पूर्ण झाले आहे. या टप्प्यातील काम किरकोळ राहिले आहे. सध्या आंबा घाटातील काम युद्धपातळीवर केले जात आहे.पाऊस अधिक असल्याने पावसाळ्यात दरड कोसळत असते म्हणून आंबा घाटात दोन्ही बाजूला सुरक्षिततेसाठी जाळी लावली जात आहे. आंबा ते चोकाकपर्यंतच्या कामात अनेक अडचणी येत आहेत. त्यावर मात करून कामे केले जात आहे. या टप्प्यातील मोठे डोंगर फोडून उड्डाणपूल बांधले जात आहेत. तीव्र वळणे काढली जात आहेत. यामुळे कामास विलंब होत आहे, असे प्रशासन म्हणणे आहे.काम पूर्ण झाल्यानंतर टोल वसुलीपन्हाळा तालुक्यातील आवळी आणि हातकणंगले तालुक्यातील शिरोली-बसवनखिंड येथे टोलनाके होणार आहेत. काम पूर्ण झाल्यानंतर या दोन्ही टोल नाक्यावरून टोल वसुली होणार आहे.सन २०२३ पासून काम सुरू...आंबा ते पैजारवाडी ४५ किलोमीटर तर पैजारवाडी ते चोकाक ३२ किलोमीटरचा रस्ता सन २०२३ पासून होत आहे. पावसाळ्यात प्रचंड पाऊस असल्याने काम गतीने करता येत नाही. मध्यंतरी भूसंपादनाच्याही अडचणी आल्या होत्या. परिणामी काम वेळेत पूर्ण झालेले नाही. तब्बल ४५ मीटर रुंद हा रस्ता होत आहे. यामुळे काम पूर्ण झाल्यानंतर कोल्हापूर ते नागपूरपर्यंतचा प्रवास सुसाट होणार आहे.

Nagpur (Marathi News)

आंबा घाटात सुरक्षित जाळी ...