Nagpur News | Latest Nagpur News in Marathi | Nagpur Local News Updates | ताज्यबातम्या नागपूर | नागपूर समाचार | Nagpur Newspaper

Devendra Fadnavis News: मनसेशी काही चर्चा आमच्या गेल्या काही काळात झालेल्या आहेत. विशेषतः मनसेनी जेव्हापासून हिंदुत्वाचा अजेंडा घेतला, तेव्हापासून त्यांची आणि आमची एकप्रकारे जवळीक वाढली आहे. निश्चितपणे आमची अपेक्षा अशी आहे की, राज ठाकरे आणि त्यांची महाराष्ट्र नवनिर्माण सेना महायुतीसोबत राहील, असे उपमुख्यमंत्री देवेंद्र फडणवीस यांनी म्हटले आहे.प्रसारमाध्यमांशी बोलताना देवेंद्र फडणवीस म्हणाले की, २०१४ मध्ये राज ठाकरे असे व्यक्ती होते, ज्यांनी जाहीरपणे भूमिका घेत नरेंद्र मोदी यांना पंतप्रधान करायला हवे, असे म्हटले होते. मात्र, मधल्या काळात त्यांनी वेगळी भूमिका घेतली. गेल्या १० वर्षांत ज्या प्रकारे पंतप्रधान मोदी यांनी भारताचा विकास केला. एका नव्या भारताची निर्मिती ही त्या ठिकाणी झाली, हे आता त्यांनाही मान्य झाले असेल. अशा परिस्थितीत सर्व लोकांनी पंतप्रधान मोदी यांच्या पाठिशी उभे राहिले पाहिजे. विशेषतः जे लोक राष्ट्रीय विचारांनी प्रेरित आहेत, ज्यांच्याकरिता राष्ट्र प्रथम आहे, समाज प्रथम आहे, त्यांनी पंतप्रधान मोदी यांच्यासोबत राहायला हवे, असे देवेंद्र फडणवीस यांनी सांगितले.राज ठाकरे यांनी पंतप्रधान मोदींना पाठिंबा द्यावाराज ठाकरे आणि मनसे पंतप्रधान मोदी यांच्यासोबत राहतील. राज ठाकरे यांचा पंतप्रधान मोदी यांना पाठिंबा असेल. अर्थात त्यांचा पक्ष आहे, त्यांना निर्णय घेतला आहे. मात्र, यावेळी त्यांनी पंतप्रधान मोदींना पाठिंबा द्यावा, अशी अपेक्षा आहे, असे देवेंद्र फडणवीस यांनी स्पष्ट शब्दांत सांगितले. महायुतीत ज्या काही जागा आहेत, त्यांची एकत्रित घोषणा आम्ही करणार आहोत. प्रचाराला आता लागले पाहिजे. कारण, उमेदवार कुणीही असला तरी प्रचार कामी येतो. त्यामुळे शिवसेना, राष्ट्रवादी यांसह मित्र पक्षांनी जिथे उमेदवार घोषित व्हायचे आहेत, तिथे तयारी केली पाहिजे, असे आम्ही ठरवले आहे. मेळावे घ्या, असेही सांगितले आहे, अशी माहिती देवेंद्र फडणवीस यांनी दिली.एकनाथ खडसे यांचे स्वागतच करूएकनाथ खडसे भाजपमध्ये परतणार असल्याबाबत देवेंद्र फडणवीस यांना प्रश्न विचारण्यात आला. यावर, भाजपामध्ये पंतप्रधान मोदी यांच्यावर विश्वास ठेवून कुणीही प्रवेश करत असेल, तरीदेखील त्या ठिकाणी कोणाचा विरोध असण्याचे कारण नाही. पक्षाने आम्हाला याबाबत कळवले नाही. पण अधिकृतरित्या पक्ष आम्हाला कळवेल, तेव्हा त्यांचे आम्ही स्वागतच करू, असे देवेंद्र फडणवीस यांनी सांगितले.दरम्यान, विदर्भात महायुतीला अनुकूलता आहे. ती विजयामध्ये परावर्तित होईल, याबाबत माझ्या मनात शंका नाही. १० एप्रिल रोजी पंतप्रधान मोदी यांची सभा रामटेक मतदारसंघात होणार आहे. या सभांमुळे विदर्भाचा भाग ढवळून निघेल, असे देवेंद्र फडणवीस यांनी म्हटले आहे.

Nagpur (Marathi News)

ती झुडपी जंगलाची जमीन वनविभागाच्या मालकीची असून लीजवर सहजपणे आपण ती मिळवून देऊ असा दावा रितेशने केला. ...

विधानसभेचे विरोधी पक्षनेते विजय वडेट्टीवार यांनी मुख्यमंत्री एकनाथ शिंदे यांच्यावर टीका केली. ...

वीजवापराच्या प्रमाणात वीजबिल आल्याची खात्री करता येते. ...

नागपूर विभागात १५४ मुले-मुली पुन्हा पोहोचली स्वत:च्या कुटुंबीयांमध्ये ...

मलिक यांनी विद्यार्थ्यांना संसदेचे कामकाज कशा प्रकारे चालते याबाबत माहिती दिली. ...