Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

लाेकमत न्यूज नेटवर्करामटेक : तालुक्याच्या काही भागात गुरुवारी (दि. २८) रात्री विजांच्या कडकडाटांसह अर्धा तास अवकाळी व वादळी पाऊस बरसला. या पावसामुळे तालुक्यातील गहू व हरभरा या रब्बी पिकांना काहीअंशी फटका बसला आहे. दुसरीकडे, काेरडवाहू शेतातील रब्बी पिकांना या पावसाचा फायदा हाेणार असल्याचेही शेतकऱ्यांनी सांगितले. ?रामटेक तालुक्यात धानाचे पीक माेठ्या प्रमाणात घेतले जाते. धानाची कापणी केल्यानंतर काही शेतकरी बांध्यांमध्ये हरभऱ्याची तर काही गव्हाची पेरणी करतात. पेंच प्रकल्पाच्या लाभक्षेत्रातील २७ गावे साेडल्यास संपूर्ण तालुक्यात रब्बीची काेरडवाहू पिके घेतली जातात. चालू रब्बी हंगामात रामटेक तालुक्यामध्ये ९,२३२ हेक्टरमध्ये गव्हाची तर ६,५०० हेक्टरमध्ये हरभऱ्याची पेरणी करण्यात आली आहे. ही दाेन्ही पिके बहुतांश काेरडवाहू भागात आहेत.सध्या गव्हाचे पीक निसवायला सुरुवात झाली आहे. या काळात गव्हाच्या पिकाला पाण्याची नितांत आवश्यकता असल्याने तसेच ओलिताचे साधन नसल्याने तसेच कालव्याने मिळत नसल्याने या पावसाचा गव्हाच्या पिकाला काही प्रमाणात फायदा झाला, अशी माहिती शेतकऱ्यांनी दिली. पावसामुळे हरभऱ्याचा खार धुतल्या जात असल्याने चांगली फलधारणा हाेत नाही. त्यामुळे हरभऱ्याच्या पिकाचे काही प्रमाणात नुकसान हाेण्याची शक्यता शेतकऱ्यांनी व्यक्त केली.या पावसामुळे रब्बी पिकांना १०० टक्के फायदा हाेणार नाही, अशी माहिती महादुला (ता. रामटेक) येथील शेतकरी धनराज झाडे यांनी दिली असून, गव्हाचे पीक निसवत असल्याने त्याला फायदा हाेणार असल्याचे तसेच हरभऱ्याच्या पिकाचे थाेडे नुकसान हाेणार असल्याचेही त्यांनी सांगितले....सध्या थंडीने जाेर पकडला आहे. त्यामुळे गव्हाला जास्तीचे फुटवे फुटतील. त्यातून गव्हाच्या उत्पादनात थाेडी वाढ हाेईल. तालुक्यातील काही भागातील हरभऱ्याच्या पिकाला या पावसाचा फायदा हाेणार असून, काही भागातील हरभऱ्याच्या पिकाचे अंशत: नुकसान हाेऊ शकते.- स्वप्निल माने,तालुका कृषी अधिकारी, रामटेक.

Nagpur (Marathi News)