Nagpur News | Latest Nagpur News in Marathi | Nagpur Local News Updates | ताज्यबातम्या नागपूर | नागपूर समाचार | Nagpur Newspaper

योगेश पांडे - नागपूरलोकमत न्यूज नेटवर्कनागपूर : मनमानी पद्धतीने व्याज आकारणी करत कर्जदाराला मुलांच्या किडन्या विकून पैसे वसूल करेन अशी धमकी देणाऱ्या अवैध सावकाराविरोधात आणखी एक गुन्हा दाखल करण्यात आला आहे. दुसऱ्या प्रकरणात त्याने कर्जदाराला जीवे मारण्याची धमकी देत अव्वाच्या सव्वा पैसे वसूल केले व शेतीचे विक्रीपत्र स्वत:च्या नावे करून घेतले. अंबाझरी पोलीस ठाण्यात हा गुन्हा दाखल करण्यात आला आहे.मनोज नायडू (५७, टिकेकर रोड, धंतोली) यांना आर्थिक अडचण असल्याने त्यांनी १ मार्च २०१६ ते १२ फेब्रुवारी २०२० या कालावधीत अवैध सावकार सागर जयेंद्रकुमार दोशी (३५, नरेंद्रनगर) याच्याकडून अंबाझरी पोलीस ठाण्याच्या हद्दीतील ओंकार भवन येथे १० टक्के व्याजाने १३ लाख रुपये घेतले होते. त्याने त्यावर अव्वाच्या सव्वा व्याज आकारायला सुरुवात केली. त्याने नायडू यांना जीवे मारण्याची धमकी देत अतिरिक्त पैशांची मागणी केली. दबाव आणून त्याने त्यांच्याकडून ऑनलाईन माध्यमातून साडेपंधरा लाख व रोख १०.७८ लाख घेतले. त्यानंतर व्याजाचे १२ लाख रुपये शिल्लक असल्याचे सांगत त्याने नायडू यांची वर्धा जिल्ह्यातील सेलू येथील शेती गहाण ठेवायची आहे असे खोटे सांगत त्यांच्या शेतीचे विक्रीपत्र स्वत:च्या नावे करून घेतले. त्यानंतर आरोपीने त्यांच्या खात्यात १० लाख रुपये जमा केले व धमकी देत ते रोख माध्यमातून त्यांच्याकडून घेतले. नायडू यांचे धंतोलीतील घर गहाण ठेवण्यासाठी त्याने त्यांना व त्यांच्या कुटुंबियांना शिवीगाळ करत अनेक धमक्या दिल्या. अखेर नायडू यांनी वरिष्ठ पोलीस अधिकाऱ्यांकडे धाव घेत आपबिती मांडली होती. नायडू यांच्या तक्रारीवरून दोषीविरोधात अंबाझरी पोलीस ठाण्यात महाराष्ट्र सावकारी अधिनियम तसेच भारतीय दंड विधानाच्या कलम २९४, ५०६(बी), ३८४, ३८५, ३८६, ३८७, ४२० अंतर्गत गुन्हा दाखल करण्यात आला आहे.

Nagpur (Marathi News)

Nagpur : फडणवीस म्हणाले चौकशी करू ...

Nagpur : या भेटीत त्यांची अर्धा तास संघाच्या वरिष्ठ पदाधिकाऱ्यांसोबत चर्चा ...

Nagpur : गडकरी यांनी ‘एम्स’मधील कामाचा व यंत्रणेच्या कार्यपद्धतीचा घेतला आढावा ...

ते सध्या तरी राज्यातच काम करतील, असे दिसते. ...

सायबर गुन्हेगारांचे कृत्य : न केलेल्या गुन्ह्यात अटक करण्याची दिली धमकी. ...

स्पेशल ट्रेनची व्यवस्था : नागपूर-मुंबई मार्गावर धावणार कल्याण स्पेशल. ...

चर्चा फक्त मिडियामध्येच : राज्यातच काम करण्याचे संकेत ...

Nagpur : दिल्लीतील आरोपीविरोधात गुन्हा दाखल ...

Nagpur : दुसऱ्या प्रकरणात कर्जदाराला जीवे मारण्याची धमकी देत अव्वाच्या सव्वा पैसे वसूल ...