Nagpur News | Latest Nagpur News in Marathi | Nagpur Local News Updates | ताज्यबातम्या नागपूर | नागपूर समाचार | Nagpur Newspaper

योगेश पांडे - नागपूरलोकमत न्यूज नेटवर्कनागपूर : उपराजधानीत नशेचे प्रमाण वाढत असून त्यातूनच अनेक तरुण गुन्हेगारीकडे वळत आहेत. अशाच नशेखोर तरुणांकडून दारूच्या पैशांसाठी चक्क अल्पवयीन मित्राचेच अपहरण करण्यात आले. मित्राला निर्जन स्थळी नेत त्याचा अंतर्वस्त्रातील व्हिडीओ तयार करत त्याला ब्लॅकमेल करण्यात आले. अजनी पोलीस ठाण्याच्या हद्दीत हा खळबळजनक प्रकार घडला.संबंधित अल्पवयीन मुलगा नरेंद्रनगर परिसरात राहतो. १२ ऑक्टोबर रोजी मध्यरात्रीच्या सुमारास तो कुटुंबियांसोबत नरेंद्रनगरातील लक्षवेध मैदानात गरबा पाहण्यासाठी गेला होता. त्याचे कुटुंबीय घरी परतले व अल्पवयीन मुलगा त्याच्या मित्रांसोबतच तिथे थांबला होता. रात्री साडेबारा वाजताच्या दरम्यान त्याचे जुने मित्र हर्षल राजेश शाहू (१९, बाळकृष्णनगर), प्रयाग रविंद्र मेश्राम (१९, मुद्रानगर, मानेवाडा) व अल्पवयीन मुलगा यांनी त्याला बोलायचे आहे असे म्हणत एका कारजवळ नेले. एमएच ३१ सीपी ७८११ या क्रमांकाच्या कारमध्ये त्यांनी त्याला कोंबले व शंकरपूरजवळील पंडित हवेलीजवळ नेले. तेथे त्यांनी त्याला मारहाण केली व त्याच्या अंगावरील सगळे कपडे काढले. हर्षलने त्याचा अंतर्वस्त्रातील व्हिडीओ तयार केला. तो व्हिडीओ व्हायरल करण्याची धमकी देत नशा करण्यासाठी पाच हजार रुपये मागितले. त्यानंतर त्यांनी त्याला तिथेच ठार मारण्याची धमकी दिली. यामुळे घाबरलेल्या अल्पवयीन मुलाने त्याच्याजवळील तीन हजार रुपये आरोपींना दिले. तसेच एका मित्राला फोन करून आरोपींच्या फोन पेच्या स्कॅनरवर दोन हजार रुपये ट्रान्सफर करण्यास सांगितले. त्यानंतर आरोपींनी अल्पवयीन मुलाला त्याच अवस्थेत नरेंद्रनगर येथील अग्निशमन विभागाच्या कार्यालयाजवळ सोडले. त्याने घरी जाऊन कुटुंबियांना या प्रकाराची माहिती दिली. त्याच्या वडिलांच्या तक्रारीवरून पोलिसांनी तीनही आरोपींविरोधात गुन्हा नोंदविला. पोलिसांनी दोनही आरोपींना अटक केली तर आरोपी अल्पवयीन मुलाला ताब्यात घेऊन त्याच्या पालकांच्या हवाली केले.वडिलांनादेखील जीवे मारण्याची धमकीनरेंद्रनगरला आरोपींनी अल्पवयीन मुलाला परत सोडले. त्यावेळी जर पोलिसांना या प्रकाराची माहिती दिली तर तुझ्यासोबतच वडिलांनादेखील जीवे मारू अशी आरोपींनी धमकी दिली.

Nagpur (Marathi News)

Nagpur : काटोलात १८ पासून जनसंवाद यात्रा ...

Nagpur : पेंचच्या जमुनिया येथील घटना ...

भाजप प्रदेशाध्यक्ष : भाजपचे संख्याबळ जास्त असल्याने दोन गोष्टी अधिक मिळाव्यात ...

भाजपचा नेता-कार्यकर्ता महायुतीविरोधात बोलला तर कठोर कारवाई करण्यात येईल, असा इशाराच त्यांनी दिला आहे. ...

सहा महिन्यात आढळले १९ लाखांवर प्रवासी. ...

भाजप-शिंदेसेनेत वादाची ठिणगी : उमेदवारी रद्द करण्याची मागणी ...

Nagpur : सोशल माध्यमांवर नागरिकांकडून मागविणार सूचना ...

Nagpur : मारहाण करत जीवे मारण्याची दिली धमकी ...