Nagpur News | Latest Nagpur News in Marathi | Nagpur Local News Updates | ताज्यबातम्या नागपूर | नागपूर समाचार | Nagpur Newspaper

लोकमत न्यूज नेटवर्कनागपूर - चाकूचे सपासप घाव घालून एका आरोपीने एका तरुणाची निर्घृण हत्या केली. कपिलनगर पोलीस ठाण्याच्या हद्दीत म्हाडा क्वॉर्टरजवळ मंगळवारी रात्री घडलेल्या या घटनेमुळे परिसरात मध्यरात्रीपर्यंत तणावाचे वातावरण होते.पाजी ऊर्फ अमनदीपसिंग कुलदीपसिंग (२३) असे मृताचे नाव आहे. तो गुरू तेगबहादूरसिंह नगरात राहत होता. तो एका बसवर क्लिनर म्हणून काम करायचा, अशी प्राथमिक माहिती पुढे आली आहे.सूत्रांच्या माहितीनुसार, पाजी (अमनदीपसिंग) त्याच्या म्हाडा क्वॉर्टरमध्ये राहणाऱ्या एका मित्राला नेहमी भेटायला यायचा. नेहमीप्रमाणे मंगळवारी रात्री ९.४५ च्या सुमारास तो मित्राच्या रूमकडे आला. त्या भागात आरोपीचा अमनदीपसिंग सोबत वाद झाला. त्यानंतर त्याच्यावर चाकूचे सपासप घाव घालून आरोपीने सिंगची हत्या केली. त्याची माहिती कळताच कपिलनगरचे ठाणेदार अमोल देशमुख आपल्या ताफ्यासह घटनास्थळाकडे धावले. पोलीस उपायुक्त नीलोत्पल हे देखिल पोहचले. त्यांनी अमनदीप सिंगचा मृतदेह रुग्णालयात रवाना केला. परिसरातील नागरिकांकडे विचारपूस केल्यानंतर पोलिसांनी आरोपीची शोधाशोध सुरू केली. वृत्तलिहिस्तोवर या प्रकरणात आरोपी पोलिसांच्या हाती लागला नव्हता. कोणत्या कारणामुळे ही हत्या झाली तेसुद्धा वृत्तलिहिस्तोवर स्पष्ट झाले नव्हते.---मित्राच्या रूमला कुलूपअमनदीप सिंग ज्या मित्राकडे भेटायला येत होता. त्या मित्राच्या रूमला कुलूप असून, त्याचा फोनही नॉट रिचेबल असल्याने पोलिसांचा संशय वाढला आहे. मध्यरात्रीपर्यंत पोलीस संशयित आरोपीचा शोध घेत होते. दुसरीकडे या घटनेमुळे परिसरात तणाव वाढला होता.---

Nagpur (Marathi News)