Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

नागपूर : मकरसंक्रांतीला तिळगूळ खाऊन गोडगोड बोलण्याची जशी लगबग घरोघरी असते, पूजापाठाचे नैमित्यिक विधी उरकून एकमेकांना शुभेच्छा देण्याचा जसा उत्साह असतो अगदी तसाच जल्लोष सूर्योदयापासून आकाशात आपल्या रंगीबेरंगी पतंग उडविण्याचा बच्चेकंपनीपासून ते तरुण आणि इतर वयोगटातील नागरिकांमध्येही असतो. शुक्रवारी संक्रांतीच्या पर्वालाही अगदी तीच लगबग, उत्साह आणि जल्लोष दिसत होता. मात्र, सकाळपासूनच ढगांच्या गर्दीने, पावसाच्या रिपरिपीने त्यावर विरजण टाकण्याचे प्रयत्न केले. मात्र, विरजण पडेल तो संक्रांतीचा पतंगोत्सव कसला... पावसाने दुपारी उघडीप घेताच आकाशात ढगांशी नाते सांगत रंगीबेरंगी पतंगांचा पूर उसळला होता.सध्या कोरोना संक्रमणाच्या तिसऱ्या लाटेच्या सावटात नागपूरकर असल्याने, उत्सवाबाबत कोरोना निर्देश शासनाने जारी केले आहेत. अशा स्थितीत संक्रांतीला साजरा होणारा पतंगोत्सव प्रचंड चिंतेचा विषय बनला होता. शिवाय, नायलॉन मांजा वापरणाऱ्यांवर कारवाई करण्याचा विषयही महत्त्वाचा होता. या सगळ्यांचा अर्धाअधिक भार पावसाने वहन केल्यामुळे, पोलीस व स्थानिक प्रशासनालाही संक्रांतीच्या सणाला तितकीशी धावपळ करावी लागली नाही. दुपारनंतर पावसाने उसंत घेतल्याने सकाळपासून नीरस बसलेल्या तरुणाईमध्ये उत्साह संचारला. त्याअनुषंगाने लगोलग मैदानात, छतांवर गलका जमायला लागला. सोबत डीजेची व्यवस्था करण्यात आली आणि लोकप्रिय गाण्यांचा नाद व्हायला लागला. सोबतीला घरोघरी तयार झालेल्या तिळगुळासोबत चिवड्यावर ताव मारण्यास सुरुवात झाली. या सगळ्यात मोठा नाद होता तो ‘ओ.. काट’च्या जयघोषाचा. संध्याकाळपासून हा जल्लोष सर्वत्र दिसून येत होता आणि संक्रांती पर्व पतंगोत्सवाने साजरा झाले.इतवारी दही बाजार पुलावर गलकादुपारनंतर इतवारी येथील दही बाजार उड्डाणपुलावर पतंग शौकिनांचा गलका जमला होता. संक्रांतीला उडणाऱ्या पतंगांमुळे आणि मांजामुळे कुणाला दुखापत होऊ नये म्हणून शहरातील सर्व उड्डाणपूल दळणवळणासाठी बंद ठेवण्यात आले होते. त्यासाठी बॅरिकेड्सही लावण्यात आले होते. मात्र, या सगळ्या निर्बंधाला न जुमानता तरुण, बच्चे कंपनी सर्रास एकत्र आले होते.मांजाच्या धास्तीने दुचाकीस्वार चौकसनायलॉन मांजाच्या जीवघेण्या करामतीमुळे रस्तोरस्ती धावणाऱ्या दुचाकींचा वेग आपसूकच कमी झालेला दिसत होता. एरवी भरधाव धावणारी वाहने सगळीकडे दिसतात. मात्र, शुक्रवारी सगळेच जणू वेग मर्यादा पाळत असल्याचे जाणवत होते.मांजा आडवा येताच नागरिकही सजगदुपारनंतर पतंग उडायला लागल्याने कटलेल्या पतंगांचा मांजा रस्त्यावर आडवा येत होता. अनेक दुचाकीस्वार यामुळे अडखळत होते. अशी स्थिती दिसताच आजूबाजूला असणारे नागरिक लगेच मांजा बाजूला करण्यासाठी मदत करत होते. अनेक ठिकाणी पोलिसांनीही मांजाच्या अडथळ्यात सापडलेल्या नागरिकांना सोडवले................

Nagpur (Marathi News)

अकृषी जमीन महामार्गासाठी अधिग्रहित झाल्यास मोबदला गुणक २ दिला जात होता. ...