महिला दिनानिमित्त विविध कार्यक्रमांचे आयाेजन

रामटेक : पाेलीस स्टेशन येथे जागतिक महिला दिनानिमित्त महिला पाेलीस कर्मचाऱ्यांचा गाैरव करण्यात आला. कार्यक्रमाला प्रमुख पाहुणे म्हणून उपविभागीय पाेलीस अधिकारी नयन आलूरकर व ठाणेदार प्रमाेद मकेश्वर यांची उपस्थिती हाेती. राज्याचे गृहमंत्री अनिल देशमुख यांनी पाठविलेले गाैरवपत्र देऊन महिला पाेलीस, हाेमगार्ड आणि महिला समुपदेशन केंद्राच्या दीपा चव्हाण यांचा सत्कार करण्यात आला. कार्यक्रमाला सर्व महिला पाेलीस व हाेमगार्ड उपस्थित हाेत्या.

....

ग्रामपंचायत सातनवरी

धामणा : परिसरातील सातनवरी ग्रामपंचायत येथे जागतिक महिला दिन साजरा करण्यात आला. प्रारंभी सावित्रीबाई फुले, डाॅ.बाबासाहेब आंबेडकर, माजी पंतप्रधान इंदिरा गांधी यांच्या प्रतिमेचे पूजन करण्यात आले. कार्यक्रमाच्या अध्यक्षस्थानी उपसरपंच सविता चाैधरी हाेत्या. यावेळी सरपंच विजय चाैधरी, शैलेश पाटील, अरुणा बहादुरे उपस्थित हाेते. कार्यक्रमात महिला बचत गटाच्या पदाधिकारी, अंगणवाडीसेविकांचा सत्कार करण्यात आला. कार्यक्रमाला मनिषा कुंभारे, नूतन मेघे, अंजू डेंगे, अमिता लांजेवार, संगीता पिसे, कविता भाेयर, वैशाली खडसे, द्राैपदी टापरे, नेहा टापरे, प्राजक्ता ढाले आदींची उपस्थिती हाेती.

...

अ. भा. जनवादी महिला संघटना

रामटेक : अखिल भारतीय जनवादी महिला संघटनेतर्फे महिला दिन साजरा करण्यात आला. क्लारा झेटकीन यांच्यासह जगातील व देशातील नारीवादी आंदाेलनात समाेर आलेल्या महिलांना अभिवादन करण्यात आले. दिल्लीतील आंदाेलनात सहभागी महिला शेतकऱ्यांच्या समर्थनार्थ कृषी कायदे रद्द करण्याच्या मागणीला महिलांनी पाठिंबा दर्शविला. गेल्या काही वर्षांत महिलांवरील वाढत्या हल्ल्यांमुळे त्यांच्या मनात असुरक्षिततेची भावना वाढत असल्याचे सांगून यावर चिंता व्यक्त केली. वाढती महागाई, गॅस, पेट्राेल व डिझेल दरवाढीविराेधात रस्त्यावर उतरण्याचा निर्धार उपस्थित महिलांनी केला. कार्यक्रमाला कल्पना हटवार, गौराबाई माकडे, मंजुळा टेकाम, शहनाज शेख, कांचन अडकने, वर्षा वानखेडे, अर्चना भगत, बयाबाई बन्साेड, माया वैद्य आदींची उपस्थिती हाेती.

.....

प्रभारी तहसीलदार दराडे यांचा सत्कार

सावनेर : राष्ट्रीय ओबीसी महिला महासंघ सावनेरच्या वतीने महिला दिनानिमित्त प्रभारी तहसीलदार चैताली दराडे यांचा सत्कार करण्यात आला. यावेळी महासंघाच्या तालुका अध्यक्ष छाया डहाके यांच्या हस्ते प्रभारी तहसीलदार चैताली दराडे यांना शाल, श्रीफळ व पुष्पगुच्छ देऊन गाैरविण्यात आले. यावेळी महासंघाच्या पदाधिकारी स्मिता ठाकरे, कविता पिसे, विविधा उमाटे, वर्षा पर्वते, वैशाली केदार, धीरज ठाकरे, गिरीश डहाके, मोहन खोंडे, पवन भोंगाडे आदी उपस्थित होते.

....

महाराष्ट्र राज्य शिक्षक सेना

कळमेश्वर : जागतिक महिला दिनानिमित्त महाराष्ट्र राज्य शिक्षक सेना शाखा कळमेश्वरच्या वतीने लाेणारा येथील जि.प. उच्च प्राथमिक शाळेच्या मुख्याध्यापिका सारिका विजय उकरे यांचा ‘जिजाऊची लेक सन्मान’ सोहळ्यांतर्गत सत्कार करण्यात आला. याप्रसंगी केंद्रप्रमुख अंबादास गिरडकर, शिक्षक सेना तालुकाध्यक्ष मुरलीधर सातपुते, सचिव विवेक राऊत, युवराज यावलकर, प्रवीण निमकर, प्रभाकर वंजारी, नितीन पोतले, सरपंच सरला दुपारे, शाळा व्यवस्थापन समिती अध्यक्ष प्रवीण नागपुरे, पोलीस पाटील माया नागपुरे, ग्रा.पं. सदस्य सुषमा नागपुरे, आशा वर्कर मुमताज धनगरे, अंगणवाडीसेविका आशा गवळी आदींची उपस्थिती हाेती. कार्यक्रमाच्या आयाेजनासाठी शिक्षिका मंदा गजबे, विजया धोटे, सुनिता उबरहांडे आदींनी सहकार्य केले.