‘नीरी’ने नकार दिल्याने वर्धा रोडवरील भुयारी मार्गाचा प्रकल्प रखडला

वसीम कुरैशी

नागपूर : नॅशनल हायवे अथॉरिटी ऑफ इंडिया (एनएचएआय) ला आतापर्यंत वर्धा रोडवर भुयारी मार्ग बनविण्यासाठी जमिनीच्या सर्व्हेची परवानगी नीरीकडून मिळाली नाही. प्रस्तावित लूपसाठी एनएचएआयला नीरीची किमान अर्धा एकर जमिनीची गरज आहे, तर कारागृह, सिंचन व अन्य विभागाची एकून अडीच एकर जमिनीची आवश्यकता आहे. मात्र नीरीच्या मंजुरीसाठी प्रकल्प रखडला आहे.

मे २०१९ मध्ये भुयारी मार्गासाठी एनआचएआयने पहिल्यांदा नीरीकडे जमिनीचा सर्व्हे करण्यासाठी परवानगी मागितली होती. दोन ते तीन वेळा बैठकसुद्धा झाली होती. परंतु नीरीने सकारात्मकता दर्शविली नाही. पुन्हा आता ३१ जानेवारीला बैठक होणार आहे. यात नीरीकडून डॉ. पवन सहभागी होणार आहे.

अजनी इंटर मॉडेल स्टेशनचे (आयएमएस)चे टेंडर झाले आहे. कामाचे कंत्राट हैदराबाद येथील नागार्जुन कन्स्ट्रक्शन कंपनीला दिले आहे. येत्या आठवड्यापासून कंत्राटदार कंपनी आयएमएससाठी ड्रॉइंगचे काम सुरू करेल. दुसरीकडे मात्र अजनी-वन वाचविण्यासाठी प्रकल्पाला विरोध होत आहे. त्याचबरोबर अजनी रेल्वे स्टेशन ते वर्धा रोडदरम्यान भुयारी मार्गाचा प्रकल्प वेगळा आहे. याचे आतापर्यंत टेंडर निघालेले नाही.

- यासाठी आवश्यक आहे प्रोजेक्ट

अजनी रेल्वे स्टेशन ते रहाटे कॉलनी चौकदरम्यान मेट्रोल पुलासोबत नवीन रस्ता बनविण्यात आला आहे. त्यामुळे वर्धा रोडला लागून दुसरा रस्ता बनविण्याची आवश्यकता का, असा प्रश्न उपस्थित होत आहे. एनएचएआयचे म्हणणे आहे, भविष्यात आयएमएसहून वर्धा रोडसाठी बससह अन्य वाहनेसुद्धा वाढणार आहे. भविष्याचा दृष्टिकोन लक्षात घेऊन दुसरा रस्ता बनविण्यात येत आहे. अजनी रेल्वे स्टेशनचा रेल्वे ब्रीज तोडून ८ पदरी ब्रीज बनविण्यात येईल. तो सरळ कारागृहापासून वर्धा रोडला जाऊन मिळेल.

- परवानगी मिळाली तर टेंडरसुद्धा लवकर होईल

नीरीच्या जमिनीच्या सर्व्हेची मंजुरी मिळाल्यास प्रकल्पासाठी टेंडरची प्रक्रिया सुरू करता येऊ शकते. आम्हाला बघायचे आहे? की त्या जमिनीवर किती क्वॉर्टर आहे, कुठे संरक्षक भिंत आहे? व काय स्ट्रक्टर आहे?

- अभिजित जिचकार, प्रोजेक्ट डायरेक्टर, एनएचएआय

- पर्यावरणाचे संवर्धनही गरजेचे आहे

यापूर्वी मेट्रोसाठीसुद्धा नीरीची काही जमीन घेतली आहे. आता एनएचएआयचासुद्धा प्रस्ताव आहे. जमिनी प्रकल्पासाठी देण्यासंदर्भात सीएसआयआरच्या सर्वसाधारण सभेत निर्णय घेतला जातो. प्रोजेक्टसाठी जी जागा मागितली आहे, तिथे काही क्वाॅर्टर आहे. खास औषधीची झाडे आहेत. त्याच जागेवर नीरी ग्राऊंड वॉटर मॉनिटरिंग करीत आहे. वाहतुकीची गरज लक्षात घेता रस्ते बनतात, पण पर्यावरण संवर्धनाकडे लक्ष देणे गरजेचे आहे.

राकेश कुमार, संचालक, नीरी