राष्ट्रीय ‘रॅकिंग’मध्ये नागपूरच्या २ शिक्षणसंस्था

केंद्रीय मनुष्यबळ विकास मंत्रालयाच्या ‘नॅशनल इन्स्टिट्यूट रॅकिंग फ्रेमवर्क’ अंतर्गत देशभरातील विद्यापीठ व शैक्षणिक संस्थांचे ‘रँकिंग’ जाहीर करण्यात आले. यात यंदा नागपुरातील शैक्षणिक संस्था माघारल्याचे दिसून आले. ‘व्हीएनआयटी’ (विश्वैश्वरैय्या इन्स्टिट्यूट आॅफ टेक्नॉलॉजी) सोडले तर नागपूरातील एकाही संस्थेला पहिल्या ३५ मध्ये ‘रँकिंग’ मिळालेले नाही. ‘व्हीएनआयटी’चा देशात ३१ वा क्रमांक आहे. मागील वर्षी ‘व्हीएनआयटी’ ४२ व्या स्थानावर होते.

ठळक मुद्दे‘व्हीएनआयटी’ देशात ३१ वे : नागपूर विद्यापीठाला ‘रँकिंग’च नाही

लोकमत न्यूज नेटवर्क नागपूर : केंद्रीय मनुष्यबळ विकास मंत्रालयाच्या ‘नॅशनल इन्स्टिट्यूट रॅकिंग फ्रेमवर्क’ अंतर्गत देशभरातील विद्यापीठ व शैक्षणिक संस्थांचे ‘रँकिंग’ जाहीर करण्यात आले. यात यंदा नागपुरातील शैक्षणिक संस्था माघारल्याचे दिसून आले. ‘व्हीएनआयटी’ (विश्वैश्वरैय्या इन्स्टिट्यूट आॅफ टेक्नॉलॉजी) सोडले तर नागपूरातील एकाही संस्थेला पहिल्या ३५ मध्ये ‘रँकिंग’ मिळालेले नाही. ‘व्हीएनआयटी’चा देशात ३१ वा क्रमांक आहे. मागील वर्षी ‘व्हीएनआयटी’ ४२ व्या स्थानावर होते. ‘टॉप’ १०० विद्यापीठांमध्ये राष्ट्रसंत तुकडोजी महाराज नागपूर विद्यापीठाचा कुठेही समावेश नाही.देशातील विद्यापीठांचे तसेच विविध शैक्षणिक संस्थाचे ‘रँकिंग’ ठरविण्यासाठी केंद्रीय मनुष्यबळ विकास मंत्रालयाने प्रस्ताव मागविले होते. देशभरातील विविध विद्यापीठे व महाविद्यालयांनी हे प्रस्ताव जानेवारी महिन्यात सादर केले होते. नागपूर विद्यापीठ तसेच जिल्ह्यातील शैक्षणिक संस्थांचादेखील यात समावेश होता.सोमवारी जाहीर झालेल्या यादीत नागपूरातील सर्वच संस्था राष्ट्रीय पातळीवर माघारल्याचे दिसून आले. ‘व्हीएनआयटी’चा देशातील सर्वोत्तम अभियांत्रिकी संस्थांमध्ये ३१ वा क्रमांक आहे. इतर एकाही अभियांत्रिकी महाविद्यालयाला पहिल्या १०० मध्ये स्थान मिळविता आलेले नाही. मागील वर्षी अभियांत्रिकी संस्थांच्याच यादीमध्ये ‘आरकेएनईसी’ (रामदेवबाबा कमला नेहरु इंजिनिअरींग कॉलेज) व जी.एच.रायसोनी अभियांत्रिकी महाविद्यालय यांचा क्रमांक अनुक्रमे ६४ व ६७ वा होता. देशातील ‘टॉप’ फार्मसी महाविद्यालायंमध्ये नागपूर जिल्ह्यातील कामठी येथील ‘श्रीमती किशोरीताई भोयर कॉलेज आॅफ फार्मसी’ ला ४४ वे ‘रँकिंग’ मिळाले आहे. मध्य भारतातील शैक्षणिक हब म्हणून नागपूर शहर उदयाला येत आहे. अभियांत्रिकी, वैद्यकीय व फार्मसीमधील शैक्षणिक संस्थांची संख्या वाढली असली तरी दर्जा मात्र अद्याप हवा तसा सुधारलेला नाही, हेच या ‘रँकिंग’मधून स्पष्ट होत आहे.नागपूर विद्यापीठ शंभरात नाही‘नॅक’चा ‘अ’ दर्जा मिळविणाऱ्या नागपूर विद्यापीठाला मात्र ‘रॅकिंग’ मिळविण्यात यश आलेले नाही. राज्यातील सावित्रीबाई फुले पुणे विद्यापीठ, इन्स्टिट्यूट आॅफ केमिकल टेक्नॉलॉजी, होमी भाभा नॅशनल इन्स्टिट्यूट, टाटा इन्स्टिट्यूट आॅफ सोशल सायन्स, सिम्बॉयसिस इंटरनॅशनल युनिव्हर्सिटी, डी.वाय.पाटील विद्यापीठ, एसव्हीकेएम नरसी मोन्जी इन्स्टिट्यूट आॅफ मॅनेजमेन्ट स्टडीज्, भारती विद्यापीठ, डी.वाय.पाटील एज्युकेशन सोसायटी, यांना या यादीत स्थान मिळाले आहे.शहरातील संस्थांचे ‘रँकिंग’अभियांत्रिकी संस्था                                             रँकिंगव्हीएनआयटी                                                       ३१फार्मसी संस्था रँकिंग‘श्रीमती किशोरीताई भोयर कॉलेज आॅफ फार्मसी’ ४४