धाकट्या भावाने केला थाेरल्याचा खून

लाेकमत न्यूज नेटवर्क

काटाेल : थाेरला भाऊ दारू पिऊन घरी आला आणि त्याने शिवीगाळ करीत जेवणाचे ताट फेकले. ताट का फेकले, अशी धाकट्याने विचारणा करताच दाेघांमध्ये भांडणाला सुरुवात झाली. यात धाकट्याने जबर मारहाण केल्याने थाेरल्याचा मृत्यू झाला. ही घटना काटाेल पाेलीस ठाण्याच्या हद्दीतील इसापूर (खुर्द) येथे मंगळवारी (दि. १६) रात्री ८.३० ते ११ वाजताच्या दरम्यान घडली असून, पाेलिसांनी आराेपीस अटक केली आहे.

राेशन नागाेराव ठाकरे (२५) असे मृताचे, तर नितेश नागाेराव ठाकरे (२३), रा. इसापूर (खुर्द), ता. काटाेल, असे अटकेतील आराेपीचे नाव आहे. राेशनला दारूचे व्यसन हाेते. ताे मंगळवारी रात्री दारूच्या नशेत घरी आला आणि शिवीगाळ करू लागला. नितेश घरी जेवण करीत असताना त्याने नितेशचे जेवणाचे ताट फेकले. त्यामुळे नितेशने त्याला ताट का फेकले, अशी विचारणा केली. त्यामुळे दाेन्ही भावांमध्ये भांडणाला सुरुवात झाली.

या भांडणाचे रूपांतर धक्काबुक्की व हाणामारीत झाले. राेशनने नितेशला धक्काबुक्की करीत घराबाहेर नेले. त्यातच राेशनचा ताेल गेला व ताे गायी बांधण्याच्या खुंटाजवळ पडला. ताे उठून पुन्हा मारहाण करण्याच्या तयारीत असतानाच नितेशने त्याला जाेरात धक्का दिल्याने ताे खुंटाजवळील दगडावर पडला. त्यातच नितेशने इंधनातील काठी घेऊन राेशनच्या डाेके, छाती व चेहऱ्यावर वार केले. त्यात गंभीर जखमी झाल्याने त्याला काटाेल येथील ग्रामीण रुग्णालयात आणले. तिथे डाॅक्टरांनी त्याला मृत घाेषित केले. याप्रकरणी काटाेल पाेलिसांनी भादंवि ३०२, ५०६ अन्वये गुन्हा नाेंदवून आराेपी नितेशला अटक केली. या घटनेचा तपास पाेलीस निरीक्षक पाटील करीत आहेत.

...

आईलाही मारण्याची धमकी

हे संपूर्ण मृत राेशन व आराेपी नितेशची आई नर्मदा नागाेराव ठाकरे (५०) यांना माहिती हाेते. डाॅक्टरांनी राेशनला मृत घाेषित केल्याने आपल्यावर खुनाचा गुन्हा दाखल हाेणार असल्याची जाणीव नितेशला हाेती. त्यामुळे प्रकरण दडपण्यासाठी त्याने आईला हा प्रकार कुणालाही न सांगण्याची सूचना केली हाेती. याबाबत ‘तू कुणालाही सांगितले तर मी तुलाही मारल्याशिवाय राहणार नाही’ अशी धमकीही त्याने आईला दिली हाेती. शेवटी, तिच्याच तक्रारीवरून काटाेल पाेलिसांनी गुन्हा नाेंदविला आणि आराेपी नितेशला अटक केली.