पाच टनांहून अधिक प्रतिबंधित प्लास्टीक जप्त

नागपूर : राज्यात प्लास्टीकवर बंदी असतानाही शहरात मोठ्या प्रमाणावर त्याची विक्री व वापर होत असल्याने, मनपा आयुक्त राधाकृष्णन बी. यांच्या आदेशानुसार, नागपूर महापालिकेच्या उपद्रव शोध पथकाद्वारे दहाही झोनमध्ये ठिकठिकाणी धाडी टाकण्याचे सत्र नियमित सुरू आहे. शहरात प्रतिबंधित प्लास्टीक विरोधात केलेल्या कारवाईअंतर्गत उपद्रव शोध पथकाने जानेवारी महिन्यात एकूण ५३१ दुकाने तपासून ५ हजार २८७ किलो प्लास्टीक जप्त केली आहे, तसेच त्यांच्यावर दंडात्मक कारवाई करीत २ लाख ३० हजाराचा दंड वसूल केला आहे.

१ ते ३१ जानेवारी या कालावधित उपद्रव शोध पथकाने प्रतिबंधित प्लास्टीक विरोधात एकूण ५३१ दुकाने तपासली. यात ४६ दुकानात प्रतिबंधित प्लास्टीक आढळून आलेल्या दुकानदारांवर कारवाई केली.

सर्वाधिक कारवाई गांधिबाग झोनमध्ये

जानेवारी महिन्यात दहाही झोनमध्ये कारवाई करण्यात आली. यात सर्वाधिक ८० दुकाने गांधीबाग झोनमधील तपासण्यात आली. यामध्ये १४ दुकानांमधून ५,१३१ किलो प्रतिबंधित प्लास्टीक जप्त करून त्यांच्याकडून ७० हजारांचा दंड वसूल करण्यात आला आहे.

झोननिहाय केलेली कारवाई

झोन - केसेस - दुकाने तपासली - जप्त प्लास्टीक -दंड वसूल

लक्ष्मीनगर झोन क्र. १ १ ४२ ८ किलो ५,०००

धरमपेठ झोन क्र. २ ५ ६२ ७४ किलो २५,०००

हनुमाननगर क्र. ३ ३ ४२ ८ किलो १५,०००

धंतोली झोन क्र. ४ ९ ६९ २४ किलो ४५,०००

नेहरूनगर झोन क्र. ५ २ ४० ५ किलो १०,०००

गांधीबाग झोन क्र. ६ १४ ८० ५१३१ किलो ७०,०००

सतरंजीपूरा झोन क्र. ७ ७ ५७ १७ किलो ३५,०००

लकडगंज झोन क्र. ८ २ ४१ ११ किलो १०,०००

आशीनगर झोन क्र. ९ ३ ५८ ९ किलो १५,०००

मंगळवारी झोन क्र. १० ० ४० ०० ००

एकूण – ४६ ५३१ ५२८७ २,३०,०००